پاکستان سپر لیگ،ملتان سلطانز ٹاپ کی ٹیم اسلام آباد یونائیٹڈ کو روند کر پہلی بار فائنل میں داخل

ابوظہبی (سپورٹس لنک رپورٹ)پاکستان سپر لیگ (پی ایس ایل) 6 کے کوالیفائر میں اسلام آباد یونائیٹڈ کو مات دے کر ملتان سلطانز پہلی بار فائنل میں پہنچ گئی۔

ملتان سلطانز کے 181 رنز کے ہدف کے تعاقب میں ایونٹ کی ٹاپ ٹیم اسلام آباد 31 رنز پہلے ہی ہمت ہار گئی۔

اسلام آباد یونائٹیڈ کی طرف سے عثمان خواجہ 70 رنز کے ساتھ ٹاپ اسکورر رہے، دیگر بیٹسمینوں میں حسین طلعت 25، افتخار احمد 16،محمد وسیم 13 رنز ہی بناسکے۔

اس سے قبل ملتان سلطانز نے صہیب مقصود کی نصف سنچری اور خوشدل شاہ اور چارلس کی عمدہ بیٹنگ کی بدولت 20اوورز میں 180رنز بنائے۔

اسلام آباد یونائیٹڈ کی ٹیم مقررہ 20اوورز میں 9 وکٹ پر 149رنز تک محدود رہی، یوں ایونٹ کا اہم میچ ملتان سلطانز نے 31رنز سے جیت لیا۔