ٹی ٹوئنٹی ورلڈ کپ ٹرافی کا ورچوئل سفر شروع ہو گیا

ٹی ٹوئنٹی ورلڈ کپ 2021 کی ٹرافی کا ورچوئل ورلڈ ٹور شروع ہوگیا۔ چیمپئن ٹیم ویسٹ انڈیز کے مایہ ناز آل رائونڈر کارلوس بریتھ ویٹ کے نظم پڑھنے کے ساتھ ٹرافی ٹور کا آغاز ہوا۔انٹرنیشنل کرکٹ کونسل (آئی سی سی)کا کہنا ہے کہ کورونا وائرس کی وجہ سے ورلڈ کپ ٹرافی ٹور ممکن نہیں تھا۔دنیا بھر میں کرکٹ کے چاہنے والے میگا ایونٹ کی ٹرافی دیکھنے کے ساتھ ساتھ اپنی رائے کا اظہار بھی کر سکیں گے۔واضح رہے کہ ٹی ٹوئنٹی ورلڈ کپ 17 اکتوبر سے عمان اور یو اے ای میں شروع ہوگا۔