سندھ اسپورٹس بورڈ آل سندھ علامہ اقبال باکسنگ ٹورنامنٹ19,18نومبر کومنعقد ہوگا

کراچی (اسپورٹس نیوز)سندھ باکسنگ ایسوسی ایشن کے زیر اہتمام محکمہ کھیل سندھ کے تعاون سے 2روزہ سندھ اسپورٹس بورڈ آل سندھ علامہ اقبال باکسنگ ٹورنامنٹ کے مقابلے، بروز جمعرات جمعہ 19,18نومبر کو استاد علمہ محمد قمبرانی باکسنگ اسٹیڈیم ککری گراؤنڈ لیاری میں منعقد ہوں گے۔ جس میں سندھ کے تمام ڈویژن کے سینئر کلاس کے مرد باکسرز، وزن +92,92,86,81,75,71,67,73.5, 60,57,54,51,48کلو گرامز اور خواتین باکسرز 66,63,60,57,54,52,48کلو گرامز میں حصہ لیں گے۔سیکریٹری سندھ باکسنگ ایسوسی ایشن عبدالرزاق بلوچ کے مطابق تمام سینئر مرد و خواتین باکسرز کے وزن و ڈڑازجمعہ 19نومبر کو 8:00بجے تا 10:30 بجے مسلم آزاد باکسنگ کلب، ککری گراؤنڈ ہوں گے۔ اس ٹورنامنٹ کے مقابلوں کے دوران 38ویں نیشنل باکسنگ(مرد)اور دوسری نیشن باکسنگ (خواتین) چیمپئن شپ 2021 منعقدہ لاہور کے لئے سندھ باکسنگ ٹیم کا انتخاب کیا جائے گا۔ فائینل اختتامی تقریب کے مہمان خصوصی سیکریٹری اسپورٹس اینڈ یوتھ افیئرزمحترم اختر عنایت بھرگڑی ہوں گے۔کوباکسروں میں انعامات کریں گے۔اس سلسلے میں تمام انتظامات مکمل کیئے جاچکے ہیں۔