گورنمینٹ گرلز ڈگری کالج کوٹری میں اسپورٹس گالا کا رنگارنگ آغاز

کوٹری(عائشہ ارم)گورنمینٹ گرلز ڈگری کالج کوٹری میں انٹر کلاسز اسپورٹس گالا کا رنگارنگ آغاز کردیا گیا۔کالج کی پرنسپل پروفیسر رخسانہ پروین جونیجو نے گالا کی آرگنائزرز چیف ڈائریکٹر فزیکل ایجوکیشن ریحانہ بھٹی،ڈائریکٹر فزیکل ایجوکیشن عائشہ ارم، پروفیسرز شاہین انڑ, پروفیسر شیرین سومرو اور پروفیسر شکیلہ میمن کے ساتھ ربن کاٹ کر افتتاح کیا۔ قبل ازیں آرگنائزنگ کمیٹی نے مہمان خصوصی کو پھولوں اور اجرک کے تحائف پیش کیئے گئے۔

پروفیسر سکینہ سومرو و پروفیسر حمیدہ میربحر کی نظامت اور پروفیسر رافعہ سبحانی کی کلاس کے ویلکم سونگ نے تقریب کو چار چاند لگا دیئے۔تالیوں کی گونج میں ہوئے افتتاح کے اعلان کے ساتھ ہی ٹگ آف وار مقابلوں سے ایونٹس کا آغاز کردیا گیا۔افتتاحی میچ میں بی اے ون کلاس نے سخت مقابلے کے بعد فرسٹ ایئر سی کلاس کو 2-1 پل سے شکست دے دی۔ مقابلوں میں کالج کی پروفیسرز، کلاس ٹیچرز و طالبات نے  بھرپور انداز میں شرکت کی۔

گالا کو چیف ڈائریکٹر فزیکل ایجوکیشن ریحانہ بھٹی، ڈائریکٹر فزیکل ایجوکیشن عائشہ ارم آرگنائزز کررہی ہیں۔ اس موقع پر پروفیسرز شاہین انڑ، شیرین سومرو، شکیلہ میمن،سکینہ سومرو،فرزانہ نثار،نسرین، بشری شیخ، رخشندہ شاہ، شازیہ سومرو، سکینہ سومرو، شازیہ بلوچ، حمیدہ میربحر، وکیلہ مغل، زیب النساء، خوشبخت صدیقی، رافعہ سبحانی، شمائلہ بخاری، میمونہ وگن، شہناز، زمرد، فوزیہ ابڑو، حنا سومرو،حمیدہ کھوکھر، نصرت کھوسو،ارشاد درس،  آمنہ میمن، حاکم زادی اور دیگر موجود تھیں۔آخر میں ریحانہ بھٹی اور عائشہ ارم نے مہمان خصوصی پروفیسر رخسانہ جونیجو کی آمد اور حوصلہ افزائی کرنے پر انکا شکریہ ادا کیا۔