پرتھ ٹیسٹ،آسڑیلیا کو بھارت پر 175رنز کی برتری حاصل ہو گئی،،ویڈیو رپورٹ دیکھیں

پرتھ(سپورٹس لنک رپورٹ)آسٹریلیا نے پرتھ ٹیسٹ کے تیسرے روز کھیل کے اختتام تک 4 وکٹوں کے نقصان پر 132 رنز بنالیے جس کے بعد اسے مہمان بھارت پر 175 رنز کی برتری حاصل ہوگئی۔پرتھ میں کھیلے جارہے ٹیسٹ کے تیسرے روز بھارت کی پوری ٹیم 283 رنز پر پویلین لوٹ گئی جس کے بعد کینگروز کو 43 رنز کی سبقت حاصل ہوئی۔آسٹریلیا نے دوسری اننگز کا آغاز کیا تو اوپننگ بلے باز مارکس ہیرس اور ایرون فنچ نے محتاط انداز اپناتے ہوئے پہلی وکٹ پر 59 رنز جوڑے، ہیرس 20 رنز بنا کر جیسپرت بمبرا کی گیند پر بولڈ ہوئے جبکہ فنچ 25 رنز بنانے کے بعد زخمی ہو کر گراؤنڈ بدر ہوئے۔

"It's good, hard Test cricket" #AUSvIND pic.twitter.com/t3H9a9U5cS

— cricket.com.au (@cricketcomau) December 16, 2018

شان مارش 5، پیٹر ہینڈکوم 13 اور ٹریوس ہیڈ 19 رنز بنا کر آؤٹ ہوئے، تیسرے روز کھیل کے اختتام تک عثمان خواجہ 41 اور کپتان ٹم پین 8 رنز کے ساتھ کریز پر موجود تھے۔بھارت کی جانب سے محمد شامی نے 2، جیسپرت بمبرا اور ایشانت شرما نے ایک ایک وکٹ حاصل کی۔یاد رہے کہ آسٹریلیا نے اپنی پہلی اننگز میں 326 اور بھارت نے 283 رنز بنائے تھے۔