محسن نقوی کا سینئر صحافی و سپورٹس اینکر پرسن سیلم خالق کی والدہ کے انتقال پر اظہار افسوس

چئیرمین پی سی بی محسن نقوی کا سینئر صحافی و سپورٹس اینکر پرسن سیلم خالق کی والدہ کے انتقال پر اظہار افسوس

لاہور۔ 15 جولائی، 2025 ; چئیرمین پاکستان کرکٹ بورڈ محسن نقوی نے سینئر صحافی و سپورٹس اینکر پرسن سیلم خالق کی والدہ کے انتقال پر افسوس کا اظہار کیا ہے ۔

چئیرمین پی سی بی محسن نقوی نے اپنے تعزیتی پیغام میں سیلم خالق اور سوگوار خاندان سے دلی ہمدردی اور تعزیت کا اظہار کیا ہے۔ چیئرمین پی سی بی محسن نقوی نے کہا کہ ماں جیسی عظیم ہستی سے جدائی کا دکھ الفاظ میں بیان نہیں کیا جاسکتا۔

چئیرمین پی سی بی محسن نقوی نے سوگوار خاندان کے لئے صبر جمیل کی دعا کرتے ہوئے کہا کہ اللہ تعالٰی مرحومہ کی روح کو جوار رحمت میں جگہ دے اور پسماندگان کو صبر جمیل عطافرمائے۔ آمین۔