ورلڈ چیمپیئن شپ آف لیجنڈز 2025: پاکستان چیمپیئنز نے انگلینڈ کو 5 رنز سے شکست دیدی
ورلڈ چیمپیئن شپ آف لیجنڈز 2025: پاکستان چیمپیئنز نے انگلینڈ کو 5 رنز سے شکست دیدی
پاکستان نے پہلے بیٹنگ کرتے ہوئے انگلینڈ کو جیت کے لیے 161 رنز کا ہدف دیا تھا جس کے تعاقب میں انگلینڈ چیمپیئنز مقررہ 20 اوورز میں 3 وکٹوں پر 155 رنز بناسکی۔
قبل ازیں پاکستان نے 9 وکٹوں پر 160 رنز بنائے تھے۔ محمد حفیظ 34 گیندوں پر 54 رنز بناکر نمایاں رہے۔
کرکٹ لیجنڈز کی عالمی چیمپئن شپ ایک بار پھر انگلینڈ میں اپنے دوسرے سیزن کے ساتھ لوٹ آئی ہے، جہاں سابقہ عظیم کھلاڑی ایک بار پھر اپنے ممالک کی نمائندگی کرتے ہوئے ایکشن میں دکھائی دیں گے۔
ایونٹ کا افتتاحی میچ آج برمنگھم کے تاریخی ایجبسٹن گراؤنڈ میں کھیلا گیا، جہاں انگلینڈ چیمپیئنز کی قیادت ایون مورگن جبکہ پاکستان چیمپیئنز کی کپتانی شاہد آفریدی کے سپرد ہے۔
میچ سے قبل افتتاحی تقریب میں معروف پاکستانی گلوکار عاطف اسلم کی پرفارمنس کا انعقاد بھی کیا گیا، جس نے اس یونٹ کو مزید یادگار بنادیا۔
اس ٹورنامنٹ میں دنیائے کرکٹ کی چھ بڑی ٹیمیں، بھارت، پاکستان، آسٹریلیا، انگلینڈ، جنوبی افریقہ اور ویسٹ انڈیز ، آمنے سامنے ہوں گی۔
ٹورنامنٹ کا انعقاد انگلینڈ کے 4 شہروں ایجبسٹن (برمنگھم)، کاؤنٹی گراؤنڈ (نارتھمپٹن)، گریس روڈ (لیسٹر) اور ہیڈنگلے (لیڈز) میں کیا جارہا ہے۔ ورلڈ چیمپئن شپ آف لیجنڈز 2025 راؤنڈ روبن فارمیٹ میں کھیلا جائے گا،
جس میں ہر ٹیم باقی تمام ٹیموں کے خلاف ایک، ایک میچ کھیلے گی۔ پوائنٹس ٹیبل پر سرفہرست رہنے والی چار ٹیمیں سیمی فائنل میں رسائی حاصل کریں گی۔
پاکستان چیمپیئنز پلیئنگ الیون ; محمد حفیظ (کپتان)، شعیب ملک، عمر امین، شرجیل خان، کامران اکمل (وکٹ کیپر)، آصف علی، عامر یامین، وہاب ریاض، رومان رئیس، سہیل تنویر، سہیل خان،
انگلینڈ چیمپیئنز پلیئنگ الیون ; ایون مورگن (کپتان)، الیسٹر کک، ایان بیل، جیمز ونس، لیام پلنکٹ، کرس ٹریملیٹ، دیمتری ماسکرینہاس، ٹم ایمبروز، ریان سائیڈ باٹم، اسٹورٹ میکر، فل مسٹرڈ ( وکٹ کیپر)
