اسپیشل انٹرنیشنل ویٹ لفٹنگ چیمپئن مصطفیٰ علی کی گورنر سندھ سے ملاقات
کراچی: (ویب ڈیسک) گورنر سندھ کامران خان ٹیسوری سے سپیشل انٹرنیشنل ویٹ لفٹنگ چیمپئن مصطفیٰ علی نے گورنر ہاؤس میں خصوصی ملاقات کی۔
اس موقع پر گورنر سندھ کامران خان ٹیسوری نے گولڈ میڈلسٹ مصطفیٰ علی کو شاندار کامیابی پر مبارکباد دی، شیلڈ اور انعام سے بھی نوازا۔
گورنر کامران خان ٹیسوری نے اس موقع پر گفتگو کرتے ہوئے کہا ہے کہ سپیشل کھلاڑی بھی پاکستان کا نام دنیا بھر میں روشن کر رہے ہیں، ان کی بھرپور حوصلہ افزائی جاری رکھی جائے گی۔
انہوں نے مزید کہا ہے کہ کھیل اور کھلاڑیوں کے فروغ کے لیے ہر ممکن اقدامات کیے جائیں گے تاکہ نوجوانوں کو مثبت سرگرمیوں کی طرف راغب کیا جا سکے۔
