عبدالرحمان اور مصطفیٰ عرفان نے آل پاکستان نیشنل جونیئر سکواش چیمپئن شپ جیت لی
آل پاکستان نیشنل جونیئر سکواش چیمپئن شپ 2025 میں پاکستان ایئر فورس کے کھلاڑیوں کی برتری،انڈر 11 کیٹگری میں عبدالرحمان اور انڈر 17 میں مصطفیٰ عرفان نے چیمپئن کا اعزاز حاصل کرلیا،
پشاور سپورٹس کمپلیکس کے قمرزمان سکواش کورٹ میں کھیلے گئے فائنل مقابلوں میں انڈر 11 کیٹگری میں پی اے ایف کے عبدالرحمان نے پی اے ایف ہی کے آنس رافع کو 11-5,11-6 اور 8-11
جبکہ انڈر 17 میں پی اے ایف کے مصطفیٰ عرفان نے پی اے ایف کےعبداللہ زمان کو9-11, 9-11اور 5-11سے شکست دے کرٹرافی اپنے نام کرلی
اختتامی تقریب کے مہمان خصوصی سیکرٹری پبلک ہیلتھ اور چیئرمین صوبائی سکواش ایسوسی ایشن داو¿د خان نے کھلاڑیوں میں انعامات تقسیم کئے
اس موقع پر ان کے ہمراہ سکواش لیجنڈ قمرزمان ،چیف انجینئر میر آدام وزیر،سیکرٹری جنرل اے آئی پی ایس امجد اعزیز ملک، صوبائی نائب صدراحسان، محب اللہ،گروپ کیپٹن عرفان اظہر،سیکرٹری منصور زمان،محمد وسیم اور چیف کوچ و آرگنائزر منور زمان سمیت دیگر شخصیات موجود تھے،
اختتامی تقریب کے موقع پر مہمان خصوصی داود خان نے میڈیا سے گفتگو کرتے ہوئے کہا کہ ایونٹ کے انعقاد سے ملک میں کھیلوں کی مثبت سرگرمیوں کو فروغ ملا ہے
انہوں نے کہا کہ جونیئر کھلاڑیوں نے جس جذبے اور محنت کا مظاہرہ کیا ہے وہ مستقبل میں پاکستان اسکواش کے روشن مستقبل کی ضمانت ہے
انہوں نے مزید کہا کہ ایسے ایونٹس سے نہ صرف نوجوان کھلاڑیوں کو اپنی صلاحیتیں دکھانے کا موقع ملتا ہے بلکہ عالمی سطح پر ملک کا نام بلند کرنے کے لئے بھی نئی راہیں کھلتی ہیں۔
