9 ویں پی ٹی بی ایف رینکنگ ٹین پن بائولنگ چیمپین شپ 20 نومبر سے کراچی میں شروع میں ہوگی

9 ویں پی ٹی بی ایف رینکنگ ٹین پن بائولنگ چیمپین شپ 20 نومبر سے کراچی میں شروع میں ہوگی۔

اسلام آباد (نوازگوھر) پاکستان ٹین پن باﺅلنگ فیڈریشن کے زیر اہتمام اور سندھ ٹین پن بائولنگ ایسوسی ایشن کے تعاون سے 9 ویں پی ٹی بی ایف رینکنگ ٹین پن بائولنگ چیمپین شپ 20 نومبر سے کراچی میں شروع میں ہوگی۔

گزشتہ روز سندھ ٹین پن بائولنگ ایسوسی ایشن کے صدر علیم آغا نے بتایا کہ پاکستان ٹین پن باﺅلنگ فیڈریشن کے صدر اعجاز الرحمن نے چیمپین شپ منعقد کروانے کی منظور دے دی ہے اور ایونٹ کی تیاریاں ابھی سے شروع کر دی گئیں

ہیں اور ٹورنامنٹ میں ملک بھر سے مرد اور خواتین کھلاڑی حصہ لیں گی، انہوں نے کہا کہ ٹورنامنٹ میں آٹھ مختلف کیٹگریز کے مقابلے رکھے گئے ہیں

جن میں مینز سنگلز ، مینزڈبلز، لیڈیز سنگلز، ایمچور، ڈیف مینز سنگلز، ڈیف لیڈیز سنگلز، ٹیم ایونٹ اورمیڈیا کیٹگریز کے مقابلے شامل ہیں، ایونٹس میں شرکت کی خواہش رکھنے والے کھلاڑی اپنے ناموں کی رجسٹریشن یکم سے 14 نومبر صبح دس بجے تک کروا سکتے ہیں۔

ٹورنامنٹ کے ڈراز کا اعلان 18 نومبر کو سہ پہر تین بجے کیا جائے گا۔ٹورنامنٹ کے سیمی فائنل مقابلے 24 نومبر کو جبکہ فائنل مقابلے 25 نومبر کو کھیلے جائیں گے،

ٹورنامنٹ کے اختتام پر کامیابی حاصل کرنے والے کھلاڑیوں میں انعامات تقسیم کئے جائیں گے،