چار رکنی قومی اتھلیٹکس ٹیم تیسری ایشین یوتھ گیمز میں شرکت کے لئے لاہور سے براستہ دبئی بجرین رووانہ ہوگئی
اسلام آباد (نوازگوھر) چار رکنی قومی اتھلیٹکس ٹیم تیسری ایشین یوتھ گیمز میں شرکت کے لئے لاہور سے براستہ دبئی بجرین رووانہ ہوگئی ہے۔ ٹیم تین بوائز اور ایک گرلز کھلاڑی پر مشتمل ہے جن میں غلام مرتضیٰ، محمدبہرام خان، اقرا ریاض اور محمد حسین فیض شامل ہیں۔
ان کے ہمراہ کوچنگ کے فرائض سیمی رضوی انجام دیں گی۔ لاہور ائیرپورٹ پر میڈیا سے گفتگو کرتے ہوئے قومی ٹیم کی کوچ سیمی رضوی نے کہا ہے
کہ قوم کی دعائیں قومی ٹیم کے کھلاڑیوں کے ساتھ ہیں اور انشاء اللہ کھلاڑی گیمز میں شاندار کارکردگی کا مظاہرہ کریں گے اور ان کھلاڑیوں کو بین الاقوامی سطح پر سیکھنے کا موقع بھی ملے گا۔
سائوتھ ایشیاء اتھلیٹکس فیڈریشن کے چیئرمین و صدر ایشیاء اتھلیٹکس فیڈریشن میجر جنرل ریٹائرڈ محمد اکرم ساہی اور پاکستان اتھلیٹکس فیڈریشن کے صدر برگیڈئیر ریٹائرڈ وجاہت حسین نے قومی ٹیم کے کھلاڑیوں کے لئے نیک خواہشات اور تمناؤں کا اظہار کیا ہے۔
تیسری ایشین یوتھ گیمز 22 سے 31 اکتوبر تک بحرین میں کھیلی جا رہی ہے۔
