ڈبل ہیٹ ٹرک،موسیٰ خان نے قائد اعظم ٹرافی میں تاریخ رقم کردی
اسلام آباد ; قائداعظم ٹرافی 26-2025 میں اسلام آباد ریجن کے فاسٹ باؤلر محمد موسیٰ نے ڈبل ہیٹ ٹرک کرکے تاریخ رقم کردی ہے۔
ٹورنامنٹ کے آخری راؤنڈ میں ڈائمنڈ کرکٹ گراؤنڈ اسلام آباد میں کھیلےگئے میچ میں محمد موسیٰ نے پشاور کے خلاف 4 گیندوں پر 4 وکٹیں حاصل کیں۔
محمد موسیٰ نے پشاور کے خلاف دوسری اننگز میں یہ کارنامہ سرانجام دیا، اس سے قبل پہلی اننگز میں بھی انہوں نے 5 وکٹیں حاصل کی تھیں۔
محمد موسیٰ کی یہ شاندار کارکردگی گزشتہ 10 سال میں قائداعظم ٹرافی کی پہلی ڈبل ہیٹ ٹرک ہے۔پاکستان کرکٹ بورڈ کی جانب سے ان کی کارکردگی کو سراہا گیا ہے ۔
