آئی ایم سی اوور فورٹی ٹی ٹوئنٹی ورلڈ کپ کا سب سے بڑا مقابلہ آج ہوگا
پاکستان اور آسٹریلیا کے درمیان کھیلے جانے والے فائنل میں گرین شرٹس کو ال راؤنڈر شاہد آفریدی کے ساتھ بھی حاصل ہوگا
ساؤتھ افریقہ نے امریکہ کو 9 وکٹوں سے شکست دیکر آئی ایم سی اوور فورٹی ٹی ٹوئنٹی ورلڈ کپ میں تیسری پوزیشن حاصل کرلی۔
دوسری جانب باؤل فائنل کے مقابلے میں زمبابوے نے کنیڈا کو اور پلیٹ فائنل میں ریسٹ آف دی گلف نے متحدہ عرب امارات کو شکست دیدی
کراچی(سپورٹس لنک رپورٹ) ائی ایم سی اوور فورٹی ٹی ٹوئنٹی ورلڈ کپ کا فائنل آج پاکستان اور آسٹریلیا کے درمیان دوپہر 12 بجے نیشنل بینک اسٹیڈیم کراچی میں کھیلا جائے گا، میگا ایونٹ کے سب سے بڑے میچ میں ناقابل شکست گرین شرٹس کو ال راؤنڈر شاہد آفریدی کا بھی ساتھ حاصل ہوگا
نیشنل بینک اسٹیڈیم میں تیسری پوزیشن کے لئے کھیلے جانے والے میچ میں امریکہ نے پہلے بیٹنگ کرتے ہوئے 8 وکٹ پر 139 رنز بنائے جواب میں ساؤتھ افریقہ نے بارہویں اوور میں ایک وکٹ کے نقصان پر ہدف حاصل کرکے تیسری پوزیشن حاصل کرلی،
فاتح ٹیم کے ویلی ہینٹم 29 گیندوں پر 76 رنز بناکر نمایاں بیٹر رہے, معین خان اکیڈمی میں کھیلے گئے باؤل فائنل میں زمبابوے نے کنیڈا کو تین وکٹ سے شکست دیدی، کنیڈا کے اسکور 9 وکٹ پر 134 رنز کے جواب میں زمبابوے نے ہدف 7 وکٹ کے نقصان پر حاصل کرلیا،
معین خان اکیڈمی میں کھیلے جانے والے دوسرے میچ میں ریسٹ آف دی ورلڈ اور ہانگ کانگ کے درمیان کھیلا جانے والا میچ یکطرفہ ثابت ہوا، ہانگ کانگ کی ٹیم آر او ڈبلیو کے بولرز کے سامنے بے بس نظر آئی اور پوری ٹیم 16ویں اوور میں 71 رنز پر پویلین لوٹ گئی,
آر او ڈبلیو نے ایک وکٹ کے نقصان پر نویں اوور کی پہلی گیند پر ہدف حاصل کرلیا۔۔ نیشنل اسٹیڈیم میں کھیلے جانے والے پلیٹ فائنل میں ریسٹ آف دی گلف نے متحدہ عرب امارات کو 6 وکٹ پر 212 رنز کا ہدف دیا،
ہدف کے تعاقب میں یو اے ای کی ٹیم 8 وکٹ پر 180 رنز تک محدود رہی، ساؤتھ اینڈ کلب میں کھیلے جانے والے میچ میں ویسٹ انڈیز نے سری لنکا کو تین وکٹ سے شکست دیدی،
سری لنکا نے پہلے بیٹنگ کرتے ہوئے مقررہ اوور میں 8 وکٹ پر 136 رنز اسکور کئے جواب میں ویسٹ انڈیز نے ہدف 7 وکٹوں کے نقصان پر حاصل کرلیا،
