پرائم منسٹر یوتھ پروگرام ٹیلنٹ ہنٹ نیشنل لیگ 2025 کے آغاز کا اعلان
لاہور : پرائم منسٹریوتھ پروگرام (PMYP) نے پاکستان سپر لیگ کی سب سے قیمتی فرنچائز لاہور قلندرز کے تعاون سے ملک گیر ٹیلنٹ ہنٹ کے اختتام کے پرائم منسٹر یوتھ پروگرام ٹیلنٹ ہنٹ نیشنل لیگ 2025 کے آغاز کا اعلان کر دیا ہے
اس پروگرام کے تحت ملک کے تمام صوبوں میں اوپن ٹرائلز کروائے گئے، جو ملک کے جنوبی علاقوں سے لے کر شمالی علاقوں تک پھیلے ہوئے تھے۔ اس میں 15 سے 25 سال کی عمر کے مرد اور خواتین کھلاڑیوں نے حصہ لیا۔ اس ملک گیر ٹیلنٹ ہنٹ کا مقصد ابھرتے ہوئے کرکٹرز کے لیے ایک شفاف اور میرٹ پر مبنی راستہ فراہم کرنا تھا۔
دو ماہ کی سخت اور منظم سلیکشن کے بعد ہر صوبے بلوچستان، سندھ، پنجاب، خیبرپختونخوا، اور گلگت بلتستان/وفاق/کشمیر سے بہترین کھلاڑیوں پر مشتمل پانچ پانچ مرد اور پانچ پانچ خواتین ٹیمیں تشکیل دی گئیں۔
صوبائی مرحلے میں 25 دنوں میں 100 میچزکھیلے گئےجس میں ہر روز مردوں اور خواتین کے لیے دو میچز الگ الگ میدانوں پر منعقد ہوئے۔ یہ میچز شارٹ لسٹ کیے گئے ٹیلنٹ کے لیے باضابطہ مقابلے اور اسیسمنٹ کا حصہ تھے.
پرائم منسٹر یوتھ پروگرام کے کرکٹ پروگرام کی آپریشنل قیادت لاہور قلندرز کے ذمے ہے جو پی ایس ایل کی سب سے قیمتی ٹیم کے طور پر پہچانی جاتی ہے اور پاکستان میں کھلاڑیوں کی منظم ترقی کے لیے سرکردہ ادارہ ہے۔
لاہور قلندرز کی ذمہ داریوں میں ٹیلنٹ کی شناخت، تکنیکی اسیسمنٹ اور ابھرتے ہوئے کھلاڑیوں کو ہائی پرفارمنس سنٹرز رہنمائی فراہم کرنا شامل ہے۔
صوبائی مرحلے کے اختتام پر تمام علاقوں کے بہترین کارکردگی دکھانے والے کھلاڑی — مرد اور خواتین — کو اسلام آباد میں 4 دسمبر سے شروع ہونے والے قومی ٹورنامنٹ کے لیے منتخب کیا گیا ہے۔
قومی مرحلے میں 20 ٹیمیں حصہ لیں گی (10 مرد اور 10خواتین) ہر صوبے کی نمائندگی کرنے والی دو ٹیموں کے ساتھ یہ لیگ اسلام آباد کے کپٹل اسمارٹ سٹی میں لاہور قلندرز کے نئے ہائی پرفارمنس سینٹرمیں کھیلی جائے گی جو ملک کی بہترین کرکٹ سہولیات میں سے ایک ہے۔
ٹیلنٹ ہنٹ نیشنل لیگ 2025 وزیرِاعظم یوتھ پروگرام کے اس وسیع مقصد کا حصہ ہے جس کا مقصد نوجوانوں کے لیے منظم کھیل کے مواقع بڑھانا اور پیشہ ورانہ کرکٹ کے لیے قومی راستے مضبوط کرنا ہے۔
وزیرِاعظم یوتھ پروگرام کے چیئرمینرانا مشہود احمد خان نے کہا:
"مجھے خوشی ہے کہ ہم اس اقدام کے ذریعے وزیرِاعظم کے وژن کو عملی جامہ پہنا سکے۔ یہ فخر کی بات ہے کہ ہم اپنے نوجوانوں کو ترقی اور مواقع کی جانب واضح رہنمائی فراہم کر رہے ہیں۔
اس پروگرام کے ذریعے ہزاروں نوجوان کھلاڑی نظام میں شامل ہوئے ہیں۔ لاہور قلندرز کی مہارت کے ساتھ، ٹرائلز سے لے کر پیشہ ورانہ کرکٹ تک کا راستہ اب ملک بھر کے نوجوانوں کے لیے زیادہ منظم اور قابل رسائی ہو گیا ہے۔ میں لاہور قلندرز کا اس شراکت داری کے لیے شکر گزار ہوں جنہوں نے اس مقصد کو حاصل کرنے میں مدد کی۔”
لاہور قلندرز کے سی ای او عاطف نعیم رانا نے کہا:
"یہ میرے لیے بہت خوشی کا موقع ہے کہ بطور فرنچائز، ہم وزیرِاعظم کے وژن میں اپنا کردار ادا کر سکتے ہیں۔ چیئرمین رانا مشہود احمد خان اور وزیرِاعظم یوتھ پروگرام کی معاونت سے ہم نے ایک مشترکہ مقصد حاصل کیا ہے
پاکستان کے نوجوانوں کی ترقی اور بااختیار بنانے کے لیے۔ میں اس شراکت داری پر شکر گزار ہوں اور اس پلیٹ فارم پر فخر محسوس کرتا ہوں جو نوجوان کھلاڑیوں کو پیشہ ورانہ کرکٹ کھیلنے اور اپنی صلاحیتیں دکھانے کا موقع فراہم کرتا ہے۔”
