ماسٹر پینٹس/شیخو نے 11واں بیٹل ایکس پولو کپ جیت لیا.
لاہور (سپورٹس لنک رپورٹ) لاہور گیریژن پولو گراؤنڈز کے زیراہتمام 11 ویں بیٹل ایکس پولو کپ 2025ء سپانسرڈ بائی ٹی سی ایل کا فائنل ٹیم ماسٹر پینٹس /شیخو نے جیت لیا۔
فائنل میں دلچسپ مقابلے کے بعد ماسٹر پینٹس /سکائی ویل کو شکست کا سامنا کرنا پڑا۔ تفصیلات ٹی سی ایل سپانسر ایونٹ کا فائنل دیکھنے کیلئے تماشائیوں اور فیملیز کی ایک بہت بڑی تعداد موجود تھی
اس موقع پر مہمان خصوصی ٹی سی ایل پاکستان کے مارکیٹنگ مینجرمحمد اویس تھے، اس موقع پر کلب کے سیکرٹری میجر بابر محبوب اعوان اور دیگر بھی موجود تھے۔اس موقع پر فیملیز اورو پولو کھلاڑیوں کی ایک بہت بڑی تعداد موجود تھی۔
فائنل میچ میں ماسٹر پینٹس /شیخو نے ماسٹر پینٹس /سکائی ویل کی ٹیم کو 8-6 سے ہرا کرفائنل جیت لیا۔ ماسٹر پینٹس /شیخو کی طرف سے راجہ سمیع اللہ نے پانچ، میر حذیفہ احمد نے دو اور عثمان عزیز انور نے ایک گول سکور کیا۔
ماسٹر پینٹس /سکائی ویل کی طرف سے راجہ تیمور ندیم نے راجہ تیمور ندیم نے چار اور آغا موسی علی خان نے دو گول سکور کیے۔قبل ازیں سب سڈری فائنل میں انڈس پولو نے میدان مار لیا تھا۔
