SportsLink PK Latest Sports News in Urdu
کابل پریمیئر لیگ میں افغان بیٹر نے حیران کن طور پر ایک اوور میں 7 چھکے مار کر بولر کا بُھرکس نکال دیا۔
افغانستان کے نوجوان بیٹر صدیق اللہ اٹل نے ہفتے کو کابل پریمیئر لیگ میں شاہین ہنٹرز کی نمائندگی کرتے ہوئے اباسین ڈفینڈرز کے خلاف ایسی دھواں دار اننگز کھیلی کہ میدان میں بیٹھے شائقین جھوم اٹھے۔
بائیں ہاتھ کے بیٹر صدیق اللہ نے میچ میں مجموعی طور پر 56 گیندوں پر 118 رنز کی برق رفتار اننگز کھیلی،انہوں نے7 چوکے اور 10 چھکے مارے۔
صدیق اللہ کی اننگز کی خاص بات یہ تھی کہ انہوں نے 19 ویں اوور میں اباسین ڈفینڈرز کے اسپنر عامر ززئی کو 7 چھکے مارے اور ان کے اوور سے مجموعی طور پر 48 رنز بٹورے۔
