نیشنل ریسلنگ چیمپئن شپ میں میڈلز جیتنے والے کھلاڑیوں کے اعزاز میں تقریب

نیشنل ریسلنگ چیمپئن شپ میں میڈلز جیتنے والے کھلاڑیوں کے اعزاز میں تقریب

نیشنل ریسلنگ چیمپئن شپ میں میڈلز جیتنے والے کھلاڑیوں کو محکمہ کھیل خیبرپختونخوا کی جانب سے کیش ایوارڈ سے نوازا گیا ،

ڈائریکٹریٹ آف سپورٹس خیبر پختونخوا میں منعقدہ تقریب میںصوبائی وزیر کھیل و امور نوجوانان سید فخر جہان نے میڈلز جیتنے والے دونوں کھلاڑیوں شاہ فیصل اور سہیل کی نیشنل ریسلنگ چیمپئن شپ میں شاندار کارکردگی کو سراہا اور صوبے کا نام روشن کرنے پر انھیں خراج تحسین پیش کیا

اور امید ظاہر کی اسلام آباد میں منعقدہ قائد اعظم گیمز میں بھی اپنی شاندار کارکردگی کے بدولت میڈلز اپنے نام کریں گے ۔اس موقع پر صوبائی اولمپک ایسوسی ایشن کے صدر سید عاقل شاہ ، ڈی جی سپورٹس عبدالناصر ، صوبائی اولمپک ایسوسی ایشن کے سیکرٹری ذوالفقار بٹ سمیت دیگر شخصیات موجو د تھیں ۔

صوبائی وزیر کھیل اور امور نوجوانان سید فخر جہان نے کہا ہے کہ صوبائی حکومت صوبے میں موجو ٹیلنٹ کو ابھارنے اور صوبے سے تعلق رکھنے والے وہ کھلاڑی جو ملک و صوبے کا نام روشن کررہے ہیں کی بھرپور حوصلہ افزائی کررہی ہے کیونکہ یہ ہمارا قیمتی اثاثہ ہیں۔

انہوں نے کہا کہ صوبائی حکومت قائد عمران خان کے ویژن کے مطابق کھیلوں کے فروغ کیلئے ہرممکن کوشش کررہی ہے اور وزیر اعلیٰ خیبر پختونخوا بھی اس شعبے پر خصوصی فوکس رکھتے ہیں کیونکہ ہمارے یہ دونوں قائدین سپورٹس مین رہے ہیں۔

یہاں پر ہر کھیل کے کھلاڑیوں کی حوصلہ افزائی کی جارہی ہے انہوں نے کہا کہ قائداعظم گیمز میں خیبرپختونخوا کا دستہ بھرپور شرکت کریگا جس کیلئے تربیتی کیمپس قیوم سپورٹس کمپلیکس کے مختلف مقامات پر جاری ہیں اور امید ہے کہ قائداعظم گیمز میں خیبرپختونخوا دستہ شاندارکارکردگی کا مظاہرہ پیش کریگا ۔

آخر میں صوبائی وزیر کھیل سید فخر جہاں نے میڈلز جیتنے والے کھلاڑیوں ایک ایک لاکھ روپے کے انعامی چیک حوالے کئے جس پر صوبائی اولمپک ایسوسی ایشن کے صدر سید عاقل شاہ نے صوبائی وزیر کا شکریہ ادا کیا