پاکستانی ٹیم کے نوجوان اوپنر حسن نواز نے صفر پر آؤٹ ہونے کا ناپسندیدہ ریکارڈ اپنے نام کر لیا۔
ویلنگٹن میں کھیلے گئے آخری ٹی ٹوئنٹی میچ صفر پر آؤٹ ہو کر ایک ہی ٹی ٹوئنٹی سیریز میں تین بار صفر پر آؤٹ ہوکر ناپسندیدہ ریکارڈ بنایا۔
حسن نواز نیوزی لینڈ کے خلاف پہلے ٹی ٹوئنٹی میچ میں صفر پر آؤٹ ہوئے جبکہ دوسرے ٹی ٹوئنٹی میں بھی کوئی رنز نہ بنا سکے، تیسرے میچ میں تیز ترین سنچری بنا ڈالی۔
نوجوان اوپنر چوتھے ٹی ٹوئنٹی میچ میں ایک رنز بنا کر پویلین لوٹے جبکہ آخری میچ میں صفر پر آؤٹ ہوئے۔ اس طرح وہ ایک سیریز میں بطور اوپنر تین بار صفر پر آؤٹ ہونے والے پہلے کھلاڑی بن گئے۔
ٹی ٹوئنٹی سیریز میں پاکستانی اوپنرز کی جانب سے سب زیادہ صفر پر آؤٹ ہونے والوں میں حسن نواز پہلے نمبر پر آ گئے ہیں وہ تین بار صفر پر آؤٹ ہوئے۔
ٹی20 سیریز میں پاکستانی اوپنر کی جانب سے سب سے زیادہ صفر پر آؤٹ ہونے والوں کی فہرست:
3 – حسن نواز (5 اننگز)
2 – شاہ زیب حسن (2 اننگز)
2 – محمد حفیظ (3 اننگز)
2 – محمد رضوان (4 اننگز)
