پی سی بی اسکول کرکٹ ٹیلنٹ ہنٹ پروگرام 2026 کا باقاعدہ آغاز 19 ستمبر سے ہوگا
پاکستان کرکٹ بورڈ کے زیرِ اہتمام پی سی بی اسکول کرکٹ ٹیلنٹ ہنٹ پروگرام 2026 کا باقاعدہ آغاز 19 ستمبر کو قذافی اسٹیڈیم لاہور میں ہوگا۔
افتتاحی تقریب کے موقع پر بیکن ہاؤس اور ایچی سن کالج کی کرکٹ ٹیمیں ایکشن میں ہوں گی دونوں ٹیموں کے درمیان میچ کا ٹاس دوپہر 1:30 بجے جبکہ میچ کا آغاز 2 بجے ہوگا
افتتاحی ایونٹ کے اختتام پرت معروف گلوکار راحت فتح علی خان خصوصی میوزک کنسرٹ میں اپنے فن کا مظاہرہ کریں گے، جبکہ تقریب کے دوران لکی ڈرا بھی منعقد کیا جائے گا۔
شائقین کے لیے اس ایونٹ میں داخلہ مفت ہوگا گزشتہ سال کی کامیابی کے بعد پی سی بی نے اسکول کرکٹ ٹیلنٹ ہنٹ پروگرام کا رواں سال مزید بڑے پیمانے پر دوبارہ آغاز کیا ہے
پروگرام کے تحت ملک بھر کے 100 اضلاع کے 1,400 اسکولوں سے تقریباً 21 ہزار طلبہ حصہ لیں گے جبکہ مختلف مرحلوں میں مجموعی طور پر 2,895 میچز کھیلے جائیں گے
پی سی بی کے مطابق پروگرام کا بنیادی مقصد اسکول کی سطح پر نئے کرکٹ ٹیلنٹ کی تلاش نوجوان کھلاڑیوں کو اپنی صلاحیتیں اجاگر کرنے کے مواقع فراہم کرنا
اور انہیں مستقبل کے کرکٹ ستاروں کے طور پر آگے بڑھانا ہے پروگرام کے ذریعے گراس روٹ لیول پر کرکٹ کے فروغ اور نوجوان ٹیلنٹ کی حوصلہ افزائی کا سلسلہ جاری رکھا جائے گا
گلگت سے گوادر تک ملک کے مختلف علاقوں کے اسکول اس پروگرام کا حصہ بنیں گے جس کے ذریعے نوجوان کرکٹرز کو اپنی صلاحیتوں کے اظہار اور مسابقتی کرکٹ میں آگے بڑھنے کے مواقع میسر آئیں گے
