سہیل خان اور محمد عباس کا لیسٹر شائر کائونٹی سے معاہدہ

انگلش کرکٹ کائونٹی لیسٹرشائر نے آئندہ سیزن کیلئے پاکستان کے دو فاسٹ بائولرز محمد عباس اور سہیل خان کے ساتھ معاہدہ کرلیا ہے، ستائیس سالہ محمد عباس اب تک پاکستان کیلئے پانچ ٹیسٹ میچوں میں ستائیس وکٹیں حاصل کرچکے ہیں محمد عباس اپریل بیس سے شروع ہونے والے پہلے چیمپئن شپ میچ کیلئے لیسٹر شائر کو دستیاب ہونگے اور اس کے بعد جون کے وسط میں وہ پاکستان کرکٹ ٹیم کے دورہ انگلینڈ کے دوران قومی ٹیم کے ساتھ ہونگے اس دوران فاسٹ بائولر سہیل جو پاکستان کی جانب سے ٹیسٹ، ون ڈے اور ٹی ٹونٹی میچوں میں کھیل چکے ہیں لیسٹر شائر کیلئے خدمات سرانجام دینگے سہیل خان چیمپئن شپ میچوں کے ساتھ ساتھ رائل لندن کپ میچوں کا بھی حصہ بنیں گے