کراچی نے بھی شکست کا مزہ چکھ لیا

شارجہ(سپورٹس لنک رپورٹ)پاکستان سپر لیگ  تھری کے 15 ویں میچ میں اسلام آباد یونائیٹڈ نے کراچی کنگز سے ایونٹ میں ناقابل شکست رہنے کا اعزاز چھین لیا۔

مصباح الحق الیون نے 154رنز کا ہدف 18ویں اوور میں 2 وکٹ پر حاصل کرکے ایونٹ میں تیسری فتح اپنے نام کرلی ۔

دونوں کھلاڑیوں نے ابتدائی دس اوور میں 9 اعشاریہ 8 کی اوسط سے بیٹنگ کرتے ہوئے 98رنز بنائے ، اس دوران لیوک رونچی اپنی نصف سنچری پوری کی۔

اسلام آباد یونائیٹڈ کی پہلی وکٹ 104 کے اسکور پر گرگئی، 37 گیندوں پر 3 چھکوں اور 10چوکوں کی مدد سے 71رنز بنانے والے لیوک رونچی کا محمد عرفان جونیئر نے اپنی ہی گیند پر کیچ لیا۔

کراچی کنگز کو دوسری وکٹ 3 1رنز بعد ہی مل گئی ، محمد عامر نے حسین طلعت کو 117کے اسکور پر بولڈ کردیا ، انہوں نے ایک چوکے کی مدد سے 8رنز بنائے تھے ۔

عماد وسیم الیون نے مقررہ 20اوور میں 6 کے نقصان پر 153رنز بنائے،اننگز کی خاص بات بابر اعظم 55، خرم منظور 51اور محمد رضوان 21رنز ناٹ آئوٹ بیٹنگ رہی۔