جنید خان ان فٹ،نیوزی لینڈ کیخلاف سیریز سے آئوٹ

دبئی (سپورٹس لنک رپورٹ)پاکستانی کرکٹ ٹیم کے فاسٹ بولر جنید خان ان فٹ ہو کر نیوزی لینڈ کے خلاف ون ڈے سیریز سے باہر ہو گئے۔پی سی بی کی جانب سے کیے گئے سوشل میڈیا پر ٹوئٹ میں بتایا گیا کہ ٹیم فزیو نے جنید خان کا معائنہ کیا، جنید خان کو دائیں پاؤں کی دوسری انگلی میں انفیکشن ہو گیا ہے جس کی وجہ سے جنید خان نیوزی لینڈ کے خلاف تیسرے ایک روزہ میچ اور سیریز سے باہر ہو گئے ہیں۔

📰 Junaid Khan has suffered pain on his right foot toe to which physio has examined. According to Team Physio, He got infection in his second toe finger of his right foot. Junaid has been ruled out from today's match and third ODI against New Zealand. pic.twitter.com/DDIsxWis24

— Pakistan Cricket (@TheRealPCB) November 9, 2018

پی سی بی ذرائع کے مطابق جنید خان کے متبادل کھلاڑی کی ضرورت پڑنے پر اعلان بعد میں کیا جائے گا۔پاکستان آج ابوظہبی کے شیخ زید اسٹیڈیم میں نیوزی لینڈ کے خلاف دوسرا ون ڈے کھیل رہا ہے۔تین میچز پر مشتمل سیریز میں کیویز کو گرین شرٹس پر ایک صفر کی برتری حاصل ہے۔پہلے ایک روزہ میچ میں نیوزی لینڈ نے پاکستان کو 47 رنز سے شکست دی تھی۔