پی ایس ایل فور کی چھٹی ٹیم بھی فروخت،جانتے ہیں علی ترین نے یہ ٹیم کیوں خریدی؟

لاہور(نواز گوہر ) پاکستان تحریک انصاف کے رہنما جہانگیر ترین کے بیٹے علی ترین نے پاکستان سپر لیگ کی چھٹی ٹیم خرید لی۔پی ایس ایل کی چھٹی ٹیم فرنچائز کی فروخت کے لیے بڈنگ لاہور میں ہوئی جس میں علی ترین نے ٹیم کے مالکانہ حقوق حاصل کرلیے۔پی ایس ایل کی چھٹی ٹیم ملتان سلطانز 88 کروڑ 90 لاکھ روپے میں فروخت ہوئی۔پاکستان کرکٹ بورڈ کا کہنا ہے کہ پی ایس ایل کی چھٹی ٹیم ملتان کنسروشیم کے مالک علی ترین نے خرید لی ہے۔پی سی بی کے مطابق پی ایس ایل کی چھٹی ٹیم کے حقوق ملتان کنسورشیم نے 7 سال کے لیے حاصل کیے ہیں۔علی ترین نے ٹیم کو جنوبی پنجاب کے لئے تحفہ قرار دیا اور کہا کہ چھٹی ٹیم ملتان کا نام مشاورت سے رکھیں گے اور اگر قانون نے اجازت دی تو ملتان سلطانز نام رکھنے میں کوئی حرج نہیں۔ انہوں نے کہا کہ جنوبی پنجاب میں ٹیلنٹ تلاش کریں گے۔یاد رہے کہ پاکستان سپر لیگ کی سب سے مہنگی فرنچائز ملتان سلطان سے پیسوں کی عدم ادائیگی کی وجہ سے پاکستان کرکٹ بورڈ نے معاہدہ ختم کردیا تھا اور اعلان کیا تھا کہ اگر ٹیم کے لیے نیاخریدار نہ ملا تو بورڈ خود ہی ٹیم کو چلائے گا۔پاکستان کرکٹ بورڈ نے چھٹی ٹیم کی کم از کم قیمت 5.21 ملین ڈالر سالانہ رکھی تھی۔

Breaking: The Multan Consortium led by Ali Tareen has won the franchise rights for the sixth team, by exceeding the reserve price.#HBLPSL pic.twitter.com/2ilyngfJBI

— PakistanSuperLeague (@thePSLt20) December 20, 2018

سپورٹس لنک کے مطابق علی جہانگیر ترین نے محض اپنے شوق کی خاطر ملتان سلطان ٹیم نہیں خریدی بلکہ اپنے علاقے لودھراں جنوبی پنجاب میں چھپے ہوئے ٹیلنٹ کو سامنے لانے کی کوشش کر رہے ہیں ان کی اس سے پہلے بھی سپورٹس اورکرکٹ میں کی خدمات ہیں انہیں اپنے علاقے لودھراں میں ایک شاندار کرکٹ گراؤنڈ اور کرکٹ اکیڈمی قائم کی ہوئی ہے جہاں پر تربیت یافتہ کوچز روزانہ کی بنیاد پر تقریبا سو کے قریب لڑکوں کو کوچنگ کر رہے ہیں انہوں نے سکولوں کے اندر بھی کرکٹ پچزز تیار کروائی ہیں تاکہ سکول لیول سے ہی بچے اور بچیاں کرکٹ میں دلچسپی لے سکیں اس سے ایک اور بڑا کارنامہ ہے علی خان ترین نے دنیا کی سب سے بڑی( ایموچر کرکٹ لیگ لاسٹ مین اسٹینڈنگ )کو جنوبی پنجاب میں روشناس کروایا تاکہ اس خطے کے نوجوان نسل کو ایک ایسا پلیٹ فارم دیا جائے جس کی بدولت وہ اپنے ٹیلنٹ کو سامنے لا سکیں اس کے علاوہ لودھراں اور ملتان میں ایل ایم ایس لیگ کامیابی کے ساتھ جاری ہے جب کہ جنوری میں رحیم یارخان اور بہاولپور سے بھی اس لیگ کا آغاز کیا جا رہا ہے تاکہ جنوبی پنجاب کے ہر علاقے کے نوجوانوں کو اپنی صلاحیتوں کا لوہا منوانے کا موقع مل سکے جنوبی پنجاب کے کرکٹ اور سپورٹس سے دلچسپی رکھنے والوں میں خوشی کی لہر دوڑ گئی کہ علی جہانگیر ترین ملتان سلطان خرید کر نہ صرف جنوبی پنجاب کی کرکٹ کو فروغ دیں گے بلکہ اس سے پاکستانی کرکٹ بھی کامیاب ہوگئی۔