پاکستان اور سری لنکا کرکٹ سیریز،ٹکٹوں کی فروخت شروع

لاہور(سپورٹس لنک رپورٹ)پاکستان اور سری لنکا کے درمیان ون ڈے اور ٹی ٹوئنٹی سیریز کے لیے ٹکٹوں کی فروخت کا آغاز ہو گیا۔پاکستان اور سری لنکا کے درمیان ون ڈے سیریز 27 سمتبر سے کراچی میں شروع ہو گی جب کہ ٹی ٹوئنٹی سیریز 5، 7 اور 9 اکتوبر کو لاہور میں کھیلی جائے گی۔تمام میچز کے ٹکٹوں کی فروخت آج سے شروع ہو گئی ہے اور ٹکٹس کوریئر سروس کی مخصوص شاخوں پر دستیاب ہیں۔ذرائع کے مطابق تمام میچز کے لیے سخت سیکیورٹی کے انتظامات کیے گئے ہیں اور سری لنکن کرکٹ بورڈ کےبعد آئی سی سی نے بھی پاکستان میں سیکیورٹی انتظامات پر مکمل اعتماد کا اظہار کیا ہے۔

ذرائع کے مطابق آئی سی سی نے بھی اپنے آفیشلز کی تقرری کے لیے سیکیورٹی کا جائزہ لیا اور وہ ون ڈے اور ٹی ٹوئنٹی سیریز کے لیے آفیشلز کی تقرری کرے گا۔ذرائع نے بتایا کہ آفیشلز کے ناموں کا اعلان جلد کر دیا جائے گا جس میں میچ ریفری اور امپائرز شامل ہوں گے۔