آئی سی سی ٹی ٹوئنٹی رینکنگ، بابر اعظم بدستور نمبر ون

دبئی (سپورٹس لنک رپورٹ) انٹر نیشنل کرکٹ کونسل (آئی سی سی )نے نئی ٹی ٹونٹی کی نئی رینکنگ جاری کردی،پاکستانی ٹی ٹونٹی کپتان بابراعظم کی پہلی پوزیشن برقرار ہے، باؤلرز کی فہرست میں پہلی دونوں پوزیشنوں پر افغانستان کے باؤلرز کاقبضہ ہے۔میڈیارپورٹس کے مطابق آئی سی سی نے ٹی ٹونٹی کی نئی رینکنگ بھی جاری کردی،قومی بلے باز بابراعظم کی پہلی پوزیشن برقرار ہے

رینکنگ میں آسٹریلیا کے ایرون فنچ کی دوسری اورانگلینڈکی ڈیوڈمیلان کی تیسری پوزیشن ہے،لوکیش راہول چھٹی پوزیشن پر موجود ہیں،بھارتی کپتان ویرات کوہلی ایک درجے ترقی پاکر9 ویں پوزیشن پر آگئے ہیں جب کہ شیکھر دھون ایک درجے ترقی کے ساتھ15ویں پوزیشن پر قابض ہوچکے ہیں،منیش پانڈے4درجے ترقی کے ساتھ70ویں پوزیشن پر آگئے ہیں ۔

سری لنکا کے دھننجیا ڈی سلوا72سیڑھیاں چڑھ کر 115ویں پوزیشن پر آگئے ہیں جبکہ سپنر سندیکن نے 39ویں سے 29ویں پوزیشن پر چھلانگ لگائی ہے ۔آئی سی سی کی نئی رینکنگ کے مطابق ٹیم رینکنگ میں پاکستان پہلی اور آسٹریلیا دوسری پوزیشن پر براحمان ہیں ،باؤلرز کی فہرست میں پہلی دونوں پوزیشنوں پر افغانستان کے باؤلرز کاقبضہ ہے،راشد خان کی پہلی اور مجیب الرحمن کی دوسری پوزیشن ہے جبکہ پاکستان کے عماد وسیم چوتھے اور شاداب خان 8 ویں نمبر پرہیں۔