اعصام الحق یو ایس اوپن کیلئے کل امریکا روانہ ہونگے

لاہور(سپورٹس لنک رپورٹ)پاکستان کے ٹینس اسٹار اعصام الحق ٹینس کورٹس میں واپسی کے لیے تیار ہوگئے ہیں۔اعصام الحق کل منگل کو یو ایس اوپن میں شرکت کے لیے امریکا روانہ ہوں گے۔یو ایس اوپن کے مینز ڈبلز میں اعصام الحق برطانیہ کے ڈومینک اینگلوٹ کے پارٹنر ہوں گے۔

یو ایس اوپن سے قبل سنسناٹی اوپن میں اعصام الحق کی شرکت کا فیصلہ بعد میں ہوگا۔پاکستانی ٹینس اسٹار نے روانگی سے قبل لازمی کورونا ٹیسٹ کروایا ہے۔کورونا ٹیسٹ کی رپورٹ منفی آنے کے بعد ہی اعصام الحق سفر کے لیے کلیئر قرار دیے گئے ہیں۔