علی محمد خواجہ میموریل کبڈی ٹورنامنٹ 19ستمبرسے شروع ہوگا

پشاور(سپورٹس لنک رپورٹ)خیبر پختونخوا کبڈی ایسوسی ایشن کے زیراہتمام تین روزہ پہلا علی محمد خواجہ میموریل کبڈی ٹورنامنٹ 19ستمبر بروز ہفتہ سے وڈ پگہ گرائونڈ، پشاور میں شروع ہو گا۔

ٹورنامنٹ کے تمام انتظامات مکمل کر لئے گئے ہیں اور ٹورنامنٹ میں پشاور کی بہترین چھ ٹیمیں حصہ لے رہی ہیں، ٹورنامنٹ کا فائنل 21 ستمبر کو کھیلا جائے گا جس کے اختتام پر کامیابی حاصل کرنے والی ٹیموں کے کھلاڑیوں میں انعامات تقسیم کئے جائیں گے۔