ڈیفنس ڈے بشی بان، آل کراچی کراٹے چیمپئن۔۔ سابق چیئرمین بلدیہ ڈسٹرکٹ سینٹرل ریحان ہاشمی نے کھلاڑیوں میں انعامات تقسیم کیے

کراچی (اسپورٹس رپورٹر ) ڈیفنس ڈے بشی بان، آل کراچی کراٹے چیمپئن شپ 2020 بروز اتوار 20 ستمبر کو منعقد ہوئی اور جناب ماسٹر عبدالحق (اچھا) کی زیرِ نگرانی منعقد کی گئی جس کے روحِ رواں جناب ماسٹر نعیم الرحمٰن تھے۔ اس پر وقار تقریب کے مہمانِ خصوصی صدر سندھ کراٹے ایسوسی ایشن جناب نسیم احمد قریشی صاحب، نائب صدر سندھ اولمپک ایسوسی ایشن جناب محفوظ الحق صاحب

ڈائریکٹر اسپورٹس اقراء یونیورسٹی جناب سید شیراز موہانی، سعید عالَم، مس حنا اور دیگر معزز مہمانانِ گرامی، پروپرائٹر یونیورسل اسپورٹس عمر شیخ اور سابق چیئرمین بلدیہ ڈسٹرکٹ سینٹرل ریحان ہاشمی نے شرکت کی۔ اس مقابلے میں 6 کلبس کے 70 سے زائد سینئر فائٹرز نے حصہ لیا۔

انفرادی کاتہ میں پہلی پوزیشن گرلز میں امنا مرزا (اقراء یونیورسٹی) اور بوائز میں سوسائٹی آف شوتوکان نے حاصل کی۔ ٹیم کومیتے گرلز اور بوائز میں کلیانہ اکیڈمی آف مارشل آرٹس فاتح رہا اور چیمپئن شپ کے آخر میں سابق چیئرمین بلدیہ ڈسٹرکٹ سینٹرل ریحان ہاشمی نے کامیاب کھلاڑیوں میں سرٹیفکیٹ اور انعامات تقسیم کیے۔