پہلی قائداعظم اوپن انٹر ڈویژن سپورٹس چیمپئن شپ 2021ء،آرچری ٹیم ایونٹ، بوائز اور گرلز 30 میٹر ایونٹ فیصل آباد ڈویژن نے جیت لیا

لاہور(سپورٹس لنک رپورٹ) سپورٹس بورڈ پنجاب کے زیراہتمام ہونے والی پہلی قائداعظم اوپن انٹر ڈویژن سپورٹس چیمپئن شپ 2021ء کے مقابلے دوسرے روز بھی نشتر پارک سپورٹس کمپلیکس میں جاری رہے،مقابلوں میں مردوخواتین کھلاڑیوں نے شاندار کھیل کا مظاہرہ کیا، سیکرٹری سپورٹس اینڈ یوتھ افیئرز پنجاب فواد ہاشم ربانی نے پنجاب سٹیڈیم میں آرچری اوراتھلیٹکس کے مقابلے دیکھے اور ا س موقع پر میڈیا سے گفتگو کرتے ہوئے کہا ہے کہ پہلی قائداعظم اوپن انٹر ڈویژن سپورٹس چیمپئن شپ کے بہترین مقابلے ہورہے ہیں اس سے نیا ٹیلنٹ سامنے آئے گا اور اس طرح کے ایونٹس ہم کرواتے رہیں گے تاکہ سپورٹس کو فروغ حاصل ہو

آرچری ٹیم ایونٹ میں بوائز اور گرلز 30 میٹر ایونٹ فیصل آباد ڈویژن نے جیت لیا،ٹینس میں لاہور اور ملتان ڈویژنز ، بیڈ منٹن(مرد) ٹیم ایونٹ میں گوجرنوالہ اور راولپنڈی ڈویژنز، بیڈ منٹن (گرلز) ٹیم ایونٹ میں لاہور اور گوجرانوالہ ڈویژنز کی ٹیمیں فائنل میں پہنچ گئیں،تفصیلات کے مطابق جمعرات کے روز آرچری ٹیم ایونٹ میں بوائز 30 میٹر مقابلوں میں فیصل آباد ڈویژن نے 945 پوائنٹس حاصل کرکے پہلی پوزیشن حاصل کی

جبکہ گوجرانوالہ ڈویژن 913 پوائنٹس کیساتھ دوسری اور سرگودھا ڈویژن 868پوائنٹس کیساتھ تیسری پوزیشن پر رہا، ٹیم ایونٹ گرلز 30 میٹر کے مقابلوں میں فیصل آباد ڈویژن 776 پوائنٹس لے کر سب سے آگے رہا،لاہورڈویژن725 پوائنٹس لیکر دوسرے اور ملتان ڈویژن 569پوائنٹس لے کر تیسرے نمبر پررہا ہے، سیکرٹری یوتھ افیئرز اینڈ سپورٹس پنجاب فواد ہاشم ربانی نے آرچری اور اتھلیٹکس کے مقابلے دیکھے

ٹینس کے پہلے کوارٹر فائنل میں لاہورڈویژن نے بہاولپور ڈویژن کو 2-0 سے ہرایا، لاہور ڈویژن کے عمران بھٹی نے بہاولپور ڈویژن کے زوہیب رضا کو6-1,6-0 سے شکست دی جبکہ لاہور ڈویژن کے حسن ریاض نے بہاولپور ڈویژن کے زبیر احمد کو 6-3,6-2 سے ہرادیا،دوسرے کوارٹر فائنل میں گوجرانوالہ ڈویژن نے ساہیوال ڈویژن کو2-0 اور ملتان ڈویژن نے ڈی جی خان ڈویژن کو 2-0 سے ہرایا،پہلے سیمی فائنل میں لاہور ڈویژن نے گوجرانوالہ ڈویژن کو 2-0 سے شکست دی

لاہور عمران بھٹی نے احمد وقاص کو 6-0,7-5 اور حسن ریاض نے فرمان شکیل کو 6-3,6-4 سے ہرادیا، دوسرے سیمی فائنل میں ملتان ڈویژن نے فیصل آباد ڈویژن کو 2-1 سے ہرادیا، ملتان کے مظہر نے فیصل آباد کے ذیشان اشرف کو 6-4,6-2 جبکہ فیصل آباد کے ارباز خان نے ملتان کے فواد کو 6-3,4-6,10-7 اور ملتان کے مظہر اور فواد نے فیصل آباد کے ذیشان اور ارباز کو 6-2,6-2سے شکست دی، اس طرح لاہور اور ملتان ڈویژنز کی ٹیمیں ٹینس چیمپئن شپ کے فائنل میں پہنچ گئی ہیں۔ بیڈ منٹن ٹیم ایونٹ میں (مرد) پہلے سیمی فائنل میں راولپنڈی ڈویژن نے فیصل آباد ڈویژن کو 3-1سے ہرادیا

پہلے سنگل میں راولپنڈی ڈویژن کے آشان نے فیصل آباد کے محمود الرحمان کو 21-13, اور21-16،پہلے ڈبل مقابلے میں راولپنڈی ڈویژن کے احمد اور عامر وقاص نے فیصل آباد ڈویژن کے محمود اور حنیف کو19-21, 21-14, 22-20 سے ہرایا، دوسرے سنگل میں فیصل آباد ڈویژن کے شاہزیب نے راولپنڈی ڈویژن کے ابراہیم کو 28-26, 21-13سے ہرایا، دوسرے ڈبل میں راولپنڈی ڈویژن کے شایان اور آشان نے فیصل آباد ڈویژن کے شاہزیب اور جلیل کو 18-21, 21-16, 21-14 سے ہرایا، دوسرے سیمی فائنل میں گوجرانوالہ ڈویژن نے بہاولپور ڈویژن کو 3-0 سے ہراکر فائنل میں رسائی حاصل کرلی

پہلے سنگل میں گوجرانوالہ کے یاسر علی نے بہاولپور کے ثاقب علی کو 21-12, 21-15 سے ہرایا، پہلے ڈبل میں گوجرانوالہ میں روہن اور روحیل نے بہاولپور کے عبدالرحمان اور حسن کو 21-14, 21-15 سے شکست دی جبکہ دوسرے سنگل میں گوجرانوالہ میں عریض علی نے بہاولپور حسن علی کو 21-14, 21-14 سے شکست دی ، ٹیم ایونٹ گرلز کے پہلے سیمی فائنل میں گوجرانوالہ ڈویژن نے فیصل آبادڈویژن کو 3-2 سے شکست دی، پہلے سنگل میں فیصل آباد ڈویژن کی خدیجہ نثار نے گوجرانوالہ ڈویژن کی طیبہ افتخار کو 21-8, 21-4سے ہرایا، پہلے ڈبل میں فیصل آباد ڈویژن کی خدیجہ اور اقصاء نے گوجرانوالہ ڈویژن کی نرما اور طیبہ کو 21-14, 21-13، دوسرے سنگل میں

گوجرانوالہ ڈویژن کی سحر مجید نے فیصل آباد ڈویژن کی مقدس کو 21-15, 21-12، دوسرے ڈبل میں گوجرانوالہ ڈویژن کی سحر اور صبیحہ نے فیصل آباد ڈویژن کی مقدس اور تعبیر کو 21-8, 21-12، تیسرے سنگل میں گوجرانوالہ ڈویژن کی صبیحہ نے فیصل آبادڈویژن کی تعبیر کو 21-9, 21-10 سے ہرایا، گرلز کے دوسرے سیمی فائنل میں لاہورڈویژن نے بہاولپور ڈویژن کو 3-0سے شکست دیدی، پہلے سنگل میں آمل منیب نے ایمن فاطمہ کو 21-6, 21-5، پہلے ڈبل میں لاہورڈویژن کی آمل منیب اور لائبہ مقصود نے بہاولپورڈویژن کی عائشہ اور ایمن کو 21-3, 21-4،دوسرے سنگل میں لاہور کی لائبہ مقصود نے بہاولپور کی رابعہ حسین کو 21-4, 21-6 سے ہرایا، سائیکلنگ کے 4کلو میٹر مرد انفرادی ریس میں فیصل آباد ڈویژن کے مسعود پہلے

لاہور ڈویژن کے شریف دوسرے جبکہ لاہور ہی کے عاقب شاہ تیسرے نمبر پررہے، گرلز 3کلومیٹر انفرادی ریس میں فیصل آباد کی اقراء پہلی، لاہور ڈویژن کی آمنہ دوسری اور سرگودھا ڈویژن کی اریج تیسری پوزیشن پر رہیں،4کلومیٹر ٹیم ایونٹ میں فیصل آباد ڈویژن پہلے، گوجرانوالہ ڈویژن دوسرے اور لاہور ڈویژن تیسرے نمبر پر رہیں۔

3کلومیٹر گرلز ٹیم ایونٹ ریس میں فیصل آباد پہلے، لاہور دوسرے اور سرگودھا تیسرے نمبر پر رہا، اتھلیٹکس میں دو سو میٹر مرد ریس میں ساہیوال ڈویژن نے پہلی، سرگودھا نے دوسری جبکہ گوجرانوالہ نے تیسری پوزیشن حاصل کی،دو سو میٹر گرلز میں فیصل آباد ڈویژن پہلے، لاہور دوسرے اور ساہیوال ڈویژن تیسرے نمبر پر رہے ہیں۔