بھارتی اوپنر شیکھر دھون اور اہلیہ میں علیحدگی

بھارت کے اوپننگ بیٹسمین شیکھر دھون اور ان کی اہلیہ عائشہ مکھرجی کے درمیان علیحدگی ہوگئی۔کرکٹر کی اہلیہ کی جانب سے انسٹاگرام پر طویل پوسٹ شیئر کی گئی ہے جس میں انہوں نے اپنی طلاق سے متعلق اطلاع دی۔

انسٹاگرام پوسٹ میں عائشہ مکھرجی نے لکھا کہ ’جب تک مجھے دو بار طلاق نہیں ہوئی میں سمجھتی تھی کہ یہ ایک برا لفظ ہے۔ پہلی بار جب مجھے طلاق ہوئی تو میں شدید خوفزدہ تھی، اس وقت لگ رہا تھا کہ میں بہت غلط کررہی ہوں۔‘

عائشہ نے لکھا کہ اب آپ تصور کریں، مجھے اس سے دوسری بار گزرنا پڑ رہا ہے۔دوسری جانب کرکٹر شیکھر دھون کی جانب سے فی الحال اپنی طلاق سے متعلق کوئی بیان سامنے نہیں آیا ہے۔

خیال رہے اس سے قبل شیکھر دھون کی اہلیہ عائشہ مکھرجی آسٹریلوی بزنس مین سے رشتہ ازدواج میں منسلک تھیں جن سے ان کی دو بیٹیاں ہیں۔عائشہ اور شیکھر کی شادی 2012 میں ہوئی تھی جن کا ایک بیٹا زورآور بھی ہے۔