پاکستان اور آسٹریلیا کے مابین وائیٹ بال سیریز کی ٹکٹوں کی فروخت شروع

پاکستان اور آسٹریلیا کے مابین تین ون ڈے اور ایک ٹی ٹونٹی انٹرنیشنل میچز کے لیے ٹکٹوں کی فروخت آج سے شروع ہوگی۔ وائیٹ بال سیریز میں شامل یہ چار میچز 29 مارچ سے 5 اپریل تک قذافی اسٹیڈیم لاہور میں کھیلے جائیں گے۔

ون ڈے انٹرنیشنل میچز کے ٹکٹ کی قیمت 500 سے 3000 روپے تک مقرر کی گئی ہے۔ دونوں ٹیموں کے مابین واحد ٹی ٹونٹی انٹرنیشنل میچ کے ٹکٹ کی قیمت 500 سے 4000 روپے تک مقرر کی گئی ہے۔

وائیٹ بال سیریز میں شامل تمام میچز کی ٹکٹیں https://pcb.bookme.pk/ پر فروخت کے لیے دستیاب ہیں۔ اس کے علاوہ شائقین کرکٹ چاہیں تو اپنے قریبی ایم اینڈ پی اسٹورز سے بھی ان میچز کی ٹکٹیں خرید سکتے ہیں۔اس حوالے سے ایزی پیسہ/ جاز کیش/ کریڈٹ کارڈ یا این آئی ایف ٹی کے ذریعے ٹکٹ خریدے جاسکتے ہیں۔ٹکٹوں کی خرید و فروخت کے لیے ہیلپ لائن نمبر 03137786888 پر رابطہ کیا جاسکتا ہے۔

شائقین کرکٹ ایک شناختی کارڈ پر زیادہ سے زیادہ 6ٹکٹیں خرید سکتے ہیں تاہم ون ڈے سیریز کےکسی میچ کے پانچ ٹکٹ خریدنے پرانہیں ایک ٹکٹ مفت دیا جائے گا۔ پی سی بی کی جانب سے یہ پیشکش صرف پاکستان اور آسٹریلیا کے مابین تین ون ڈے میچز کے لیے ہی متعارف کروائی گئی ہے۔

سلمان مسعود، ہیڈ آف کمرشلز پی سی بی:

ہیڈ آف کمرشلز پی سی بی سلمان مسعود کا کہناہے کہ شائقین کرکٹ کی سہولت کے پیش نظر پی سی بی نے پاکستان اور آسٹریلیا کے مابین وائیٹ بال سیریز کی ٹکٹوں کی قیمت کو کم رکھا ہے۔ اس کے علاوہ شائقین کرکٹ کو کار پارکنگ سے انکلوژرز تک گولف کارٹس پر مشتمل شٹل سروس کی سہولت بھی فراہم کررہے ہیں۔

انہوں نے کہا کہ پی سی بی نے اسٹینڈز میں فلٹر شدہ ٹھنڈے پانی اور پنکھوں کی فراہمی سمیت اسٹیڈیم کے باہر ایک بڑی اسکرین بھی نصب کررکھی ہے جہاں شائقین کرکٹ براہ راست ایکشن ملاحظہ کرسکتے ہیں۔

دونوں ٹیموں کے مابین سیریز میں شامل ون ڈے انٹرنیشنل میچز آئی سی سی مینز کرکٹ ورلڈکپ سپر لیگ کا حصہ ہیں۔ تینوں ون ڈے انٹرنیشنل میچز مقامی وقت کے مطابق سہ پہر 3 بجے جبکہ ٹی ٹونٹی انٹرنیشنل میچ مقامی وقت کے مطابق رات 8:30 بجے شروع ہوگا۔

ون ڈے انٹرنیشنل سیریز کے لیے ٹکٹوں کی قیمتیں:
وسیم اکرم اور وقار یونس انکلوژرز : تین ہزار روپے
فضل محموداور عمران خان انکلوژرز : دو ہزار روپے
راجاز اور سعید انور انکلوژرز : ڈیڑھ ہزار روپے
عبدالقادر، اے ایچ کاردار، جاوید میانداد اور سرفراز نواز انکلوژرز: ایک ہزار روپے
حنیف محمد، امتیاز احمد، انضمام الحق، ماجد خان، نذر، قائد، سعید احمداور ظہیر عباس انکلوژرز : پانچ سو روپے

ٹی ٹونٹی انٹرنیشنل میچ کے لیے ٹکٹوں کی قیمتیں:
وسیم اکرم اور وقار یونس انکلوژرز :چار ہزار روپے
فضل محموداور عمران خان انکلوژرز : تین ہزار روپے
راجاز اور سعید انور انکلوژرز : اڑھائی ہزار روپے
عبدالقادر، اے ایچ کاردار، جاوید میانداد اور سرفراز نواز انکلوژرز : ایک ہزار روپے
حنیف محمد، امتیاز احمد، انضمام الحق، ماجد خان، نذر، قائد، سعید احمداور ظہیر عباس انکلوژرز : پانچ سو روپے