بابر اعظم نے ماہ رمضان اور عید کی تعطیلات کے بعد پریکٹس کا دوبارہ آغاز کردیا

قومی کرکٹ ٹیم کے کپتان بابر اعظم نے ماہ رمضان اور عید کی تعطیلات کے بعد پریکٹس کا دوبارہ آغاز کردیا۔بابر اعظم نے سماجی رابطے کی ویب سائٹ ٹوئٹر پر نیٹ پریکٹس کی ویڈیو جاری کی جس میں وہ بھرپور ردھم میں بیٹنگ کرتے ہوئے نظر آرہے ہیں۔

قومی کرکٹ ٹیم نے آخری انٹرنیشنل میچ 5 اپریل کو آسٹریلیا کے خلاف کھیلا تھا۔قومی ٹیم کو اگلی سیریز اب 8 جون سے پاکستان کا دورہ کرنے والی ویسٹ انڈین ٹیم کے خلاف کھیلنی ہے۔دونوں ٹیموں کے مابین تین ایک روزہ میچز 8، 10 اور 12 جون کو کھیلے جائیں گے۔