پاکستان نے زمبابوے کو پہلے ٹی ٹوئنٹی میچ میں57 رنز سے شکست دیدی

پہلے ٹی 20 میں پاکستان نےشاندار آغاز کرتے ہوئے زمبابوے کو57رنز سے شکست دے دی۔

بلاوائیو میں کھیلے گئے میچ کا ٹاس پاکستان نے جیتا اور پہلے بیٹنگ کا فیصلہ کیا، پاکستان نے مقررہ اوورز میں 4 وکٹوں کے نقصان پر 165 رنز بنائے ،

ہدف کے تعاقب میں زمبابوے کی پوری ٹیم 15.3 اوورز میں 108 بنا کر آئوٹ ہوگئی ، زمبابوے کے تین کھلاڑی بغیر کوئی رن بنائے آؤٹ ہوئے، سکندر رضا 39 اور ٹاڈی واناشے 33 رنز بنا کر نمایاں رہے۔

پاکستان کے ابرار احمد اور سفیان مقیم نے 3، 3 کھلاڑیوں کو آؤٹ کیا جبکہ حارث رؤف نے 2 اور جہانداد خان نے ایک ایک وکٹ حاصل کی۔

قبل ازیں بلاوائیو میں ہونیوالے 3 میچوں پر مشتمل ٹی 20 سیریز کے پہلے میچ میں پاکستان نے ٹاس جیت کر پہلے بیٹنگ کا فیصلہ کیا اور مقررہ 20 اوورز میں 4 وکٹوں کے نقصان پر 165 رنز بنائے۔

پاکستان کی جانب سے اننگز کا آغاز عمیر یوسف اور صائم ایوب نے کیا تاہم یہ جوڑی زیادہ دیر تک ساتھ نہ نبھا سکی اور عمیر یوسف 16 رنز بنا کر پویلین لوٹ گئے۔

پاکستان کی دوسری وکٹ 57 رنز کے مجموعی سکور پر گری جب صائم ایوب 24 رنز بناکر آؤٹ ہوئے جبکہ چوتھی وکٹ عثمان خان کی گری جو 39 رنز بنا کر چلتے بنے۔

کپتان سلمان علی آغا 13 رنز بنا کر آؤٹ ہوگئے جبکہ طیب طاہر 39 اور عرفان خان 27 رنز کیساتھ ناقابل شکست رہے۔

ہدف کے تعاقب میں زمبابوے کی ٹیم 15.3اوورز میں108رنز بنا سکی، پاکستان کی جانب سے ابرار احمد اور سفیان مقیم نے 3،3کھلاڑیوں کو آؤٹ کیا جبکہ حارث رؤف نے 2 اور جہانداد خان نے ایک وکٹ حاصل کی۔

پاکستان کو تین میچوں کی سیریز میں ایک صفر کی برتری حاصل ہوگئی ہے،دوسرا ٹی ٹوئنٹی میچ 3 دسمبر کو کھیلا جائیگا۔

اس سے قبل دونوں ممالک کے درمیان 3 ون ڈے میچوں کی سیریز کھیلی گئی تھی جس میں پاکستان کی قومی کرکٹ ٹیم نے 2-1 سے کامیابی حاصل کی تھی۔

بابر اعظم، شاہین شاہ آفریدی اور نسیم شاہ جیسے کئی اسٹار کھلاڑیوں کو 3 میچوں کی ٹی 20 سیریز کے لیے آرام دیا گیاجس کے بعد پاکستان کرکٹ ٹیم نے میزبان زمبابوے کرکٹ ٹیم کے خلاف مضبوط کارکردگی کا مظاہرہ کیا۔

ٹاس جیتنے کے بعد پاکستانی ٹیم کے قائم مقام کپتان سلمان آغانے کہا کہ اسکور بورڈ پر اچھا اسکور کرنا چاہییں گے۔ ہم نوجوانوں کو زیادہ سے زیادہ مواقع دینا چاہتے ہیں کیونکہ یہ سیریز نوجوان کھلاڑیوں کے لیے ہی ہے۔ فیلڈنگ کو بہتر بنانا چاہتے ہیں، نئی گیند سے اچھی باؤلنگ کریں گے۔

زمبابوے کے کپتان سکندر رضا نے کہا کہ ہم ایک اچھے کھیل کے منتظر ہیں، پاکستان ایک اچھی ٹیم ہے ہم بھرپور مقابلہ کریں گے، ٹیم اس وقت اچھی کارکردگی کا مظاہرہ کر رہی ہے اور امید ہے کہ دونوں ٹیموں کے درمیان ایک اچھا مقابلہ دیکھنے کو ملے گا۔

پاکستان کی پلیئنگ ; کپتان سلمان آغا، صائم ایوب، عمیر بن یوسف، عثمان خان، طیب طاہر، عرفان خان، جہانداد خان، عباس آفریدی، حارث رؤف، ابرار احمد اور سفیان مقیم پاکستان کی پلیئنگ الیون کا حصہ ہیں۔

زمبابوے کی پلیئنگ ; ریان برل، ڈیون مائرز، تاشینگا موسیکیوا، سکندر رضا(کپتان)، ویسلی مدھیویرے، ٹینوٹینڈا ماپوسا، برائن بینیٹ، کلائیو مدنڈے(وکٹ کیپر)، تادیواناشے مارومانی، ویلنگٹن مساکاڈزا، رچرڈ نگاروا، بلیسنگ مزاربانی، ٹریور گوانگڈو، برینڈن ماوتا اور فراز اکرم پر مشتمل ہے۔