بھارتی کرکٹ ٹیم کے کپتان کوہلی کو جرمانہ

امپائر کیساتھ نامناسب رویہ اختیار کرنے پر ویرات کوہلی کو جرمانہ عائد کر دیا گیا،سینچورین ٹیسٹ کے تیسرے روز بارش کی وجہ سے میچ روکنا پڑا، کچھ دیر بعد کھیل دوبارہ شروع ہوا تو بھارتی کپتان نے امپائر مائیکل گف سے آؤٹ فیلڈ گیلا ہونے کی بار بار شکایت کی اور شنوائی نہ ہونے پر گیند کو غصے میں زمین پر دے مارا۔ بعد ازاں خراب روشنی کے باعث کھیل روکنے پر بھی برہمی کا اظہار کیا۔آئی سی سی نے انہیں لیول ون کی خلاف ورزی پر 25 فیصد میچ فیس کا جرمانہ اور انکے کھاتے میں ایک منفی پوائنٹ شامل کیا۔