انڈر 13 کوچنگ پروگرام پیر سے ملتان میں شروع ہوگا

لاہور(سپورٹس لنک رپورٹ)چھبیس انڈر 13 کرکٹرز پر مشتمل تربیتی کیمپ آئندہ ہفتے کے آغاز سے انضمام الحق ہائی پرفارمنس کرکٹ سنٹر ملتان میں شروع ہوگا۔ پیر سے شروع ہونے والا کیمپ 2 ہفتے تک جاری رہے گا۔سلیم جعفر کی سربراہی میں کام کرنے والی جونیئرسلیکشن کمیٹی نے قومی انڈر 13 ایک روزہ کرکٹ ٹورنامنٹ میں اعلیٰ کارکردگی کا مظاہرہ کرنے والے کھلاڑیوں کو کیمپ میں طلب کیا ہے۔

کیمپ کے دوران نوجوان کھلاڑیوں کو بیٹنگ، باؤلنگ، فیلڈنگ اور وکٹ کیپنگ سمیت فزیکل فٹنس سے متعلق بنیادی معلومات فراہم کی جائیں گی۔

طلب کردہ کرکٹرز:

عادل ولید (خیبرپختونخوا)، احمد حسین (خیبرپختونخوا)، علی اشفاق (ناردرن)، علی حسنین بادشاہ (سدرن پنجاب)، علی حسن بلوچ (سنٹرل پنجاب)، آذان کبیر (ناردرن)، فہد کاشف (سدرن پنجاب)، حمزہ ظہور (سنٹرل پنجاب)، حسن اعجاز (ناردرن)، حضرت علی (خیبرپختونخوا)، حذیفہ احسن (سندھ)، محمد شہریار (سدرن پنجاب)، محمد علی عبداللہ (سدرن پنجاب)، محمد رمیز (سندھ)، محمد علی (بلوچستان)، نویدالحسن (خیبرپختونخوا)، نور حبیب (سندھ)، سعد ندیم (سنٹرل پنجاب)، صفی اللہ (خیبرپختونخوا)، سمیر احمد (سدرن پنجاب)، طیب حسین (سنٹرل پنجاب)، عثمان غنی (بلوچستان)، عثمان خان (خیبرپختونخوا)، ولید زاہد (سنٹرل پنجاب)، یحییٰ شاہ (سندھ) اور ذیشان فرید (ناردرن)۔