صوبائی وزیر کھیل رائے تیمور خان بھٹی اور ڈائریکٹر جنرل سپورٹس پنجاب عدنان ارشد اولکھ کی سجال کے نومنتخب عہدیداران کو مبارکباد

لاہور (سپورٹس لنک رپورٹ) صوبائی وزیر کھیل، امور نوجوانان، آثار قدیمہ و سیاحت رائے تیمور خان بھٹی اور ڈائریکٹر جنرل سپورٹس پنجاب عدنان ارشد اولکھ نے سپورٹس جرنلسٹس ایسوسی ایشن آف لاہور(سجال)کے نومنتخب عہدیداران صدر عقیل احمد، جنرل سیکرٹری اشرف چودھری اور خزانچی احتشام الحق کو مبارکباد دی ہے، جمعرات کے روز اپنے تہنیتی پیغام میں انہوں نے کہا کہ سجال کے نومنتخب عہدیداروں کو دل کی گہرائیوں سے مبارکباد پیش کرتے ہیں، سپورٹس جرنلسٹ کے انتخابات خوش اسلوبی سے انجام پائے ہیں، سپورٹس بورڈ پنجاب اور سجال مل کر سپورٹس کے فروغ اور ترقی کے لئے کام کرتے رہیں گے۔