قومی کرکٹرز کی اپنے اہلخانہ کے ساتھ پہلی عید

لاہور(سپورٹس لنک رپورٹ)گزشتہ سال رشتہ ازدواج میں منسلک ہونے والے قومی کرکٹ ٹیم کے کھلاڑی حسن علی اور عماد وسیم شادی کے بعد پہلی عید فیملی کے ساتھ گزارنے پر خوش دکھائی دے رہے ہیں ۔

سماجی رابطے کی ویب سائٹ انسٹاگرام پر عماد وسیم نے اہلیہ ثانیہ اشفاق کے ہمراہ ایک سیلفی اپنی اسٹوری میں شیئر کی۔

اسٹوری کے ساتھ پیغام میں عماد وسیم نے عید کی مبارکباد دیتے ہوئے لکھا کہ الحمداللہ شادی کے بعد پہلی عید ہم ساتھ منا رہے ہیں۔واضح رہے کہ عماد وسیم کی شادی کی تقریب گزشتہ سال 26 اگست کو اسلام آباد میں منعقد کی گئی تھی۔

قومی کرکٹ ٹیم کے فاسٹ باؤلر حسن علی نے بھی انسٹاگرام پر عید کے موقع پر لی گئی ایک تصویر شیئر کی جس میں وہ اور ان کی اہلیہ سامعہ آرزو دونوں نے ایک رنگ کے جامنی کپڑے زیب تن کئے ہوئے ہیں۔حسن علی نے اپنے پیغام میں لکھا کہ یہ عید اپنے پیاروں کے ساتھ منائیں۔

https://www.instagram.com/p/CAklEYGHxXF/?utm_source=ig_web_copy_link

قومی کرکٹ ٹیم کے کپتان بابر اعظم نے اپنی ایک تصویر شیئر کرتے ہوئے مسلم امہ کو عید کی مبارکباد دی اور لکھا کہ جذبہ ہمدردی اور جذبہ احسان کی بدولت ہی ہم دنیا میں بہتری لا سکتے ہیں۔قومی کرکٹ ٹیم کے سابق کپتان اظہر علی عید پر پورے کاندان کے اکھٹے ہونے اور ساتھ کھانا کھانے کو مِس کرتے دکھائی دئیے۔

I wish you all a very blessed Eid. May Allah SWT accept your good deeds, ease your situation and grant you peace, happiness & prosperity. The spirit of Eid is empathy and kindness; we can make a huge difference in the world with these two traits. #EidMubarak #RiseAndRise pic.twitter.com/oTmM7BFZQx

— Babar Azam (@babarazam258) May 24, 2020

انہوں نے اہل خانہ کے ہمراہ عید کی ایک تصویر شیئر کرتے ہوئے لکھا کہ اس عید اب ایک جگہ اکھٹے ہونے سے محروم رہیں گے لیکن یہی بہتر ہے کہ ہم حالات کے معمول پر آنے تک ایسے ہی انتظار کریں، صبر ہی بہترین حل ہے۔