پاکستان باکسنگ کونسل نے پیشہ ور سرگرمیاں بین الاقوامی سطح پر دوبارہ شروع کرنے کا اعلان کردیا

لاہور(سپورٹس لنک رپورٹ)پاکستان باکسنگ کونسل نے ملک میں کرونا وائرس کے خاتمے کے بعد پیشہ ور سرگرمیاں بین الاقوامی سطح پر دوبارہ شروع کرنے کا اعلان کردیا ۔ اس حوالے سے پی بی سی کے صدر افراز خان نے بتایا کہ وہ کچھ ذاتی وجوہات کی بنائ پر کھیل سے دور ہوگئے تھے اور کونسل کی تنظیم نو کے بعد رشید بلوچ ، اس کے سابق سکریٹری اور کچھ دیگر ممبروں کو پی بی سی سے ختم کردیا گیا تھا مگر اب کونسل کو عملی شکل میں لانے کے لئے نئے ممبروں کو شامل کیا جارہا ہے۔

انہوں نے مزید کہا ہم شاید دسمبر سے ملک میں پیشہ ورانہ باکسنگ کی سرگرمیاں دوبارہ شروع کردیں گے کیونکہ ایسا خیال کیا جاتا ہے کہ اس وقت تک کورونا وائرس کا حملہ ختم ہوجائے گا۔ پاکستان نیوی کے سابق کمانڈر اور پی سی بی کے سینئر نائب صدر محمد علی نے ایک پیغام میں کہا ہے کہ رشید بلوچ اب کونسل کا حصہ نہیں ہیں۔ رشید بلوچ دو سال قبل ہی کونسل سے باہر رہ گئے تھے اور ان کا پی بی سی سے کوئی تعلق نہیں ہے۔ پاکستان باکسنگ کونسل کا آغاز افراز خان نے کیا تھا اور وہ پی بی سی کے زیر اہتمام تمام پیشہ ورانہ رقوم کو فنڈ فراہم کررہے ہیں۔

کچھ ذاتی مصروفیات کی وجہ سے میں اور فیضی مصروف تھے اس لئے کچھ مقابلوں کا انعقاد کرنے سے قاصر تھے۔ اب پی بی سی ایک بار پھر سرگرم عمل ہے اور کوویڈ 19 کے بعد ہم پاکستان میں پیشہ ورانہ مقابلہ کرنے والے ہیں۔ انہوں نے مزید کہا کہ افراز خان کے نامزد عہدیداروں کے علاوہ کوئی بھی شخص اپنے ذاتی مفاد کے لئے پی سی بی کا نام استعمال کرنے کا مجاز نہیں ہے اور اگر کوئی پی بی سی کا نام استعمال کر رہا ہے تو اس کا خمیازہ بھگتنا پڑے گا۔