یوم دفاع پاکستان سائیکل ریس چھ ستمبر کو منعقد ہوگی ، نثار احمد

پشاور( سپورٹس رپورٹر) یوم دفاع پاکستان کے حوالے سے سائیکل ریس چھ ستمبر کو منعقد ہوگی ، ریس کا باضابطہ افتتاح پاکستان سائیکلنگ فیڈریشن کے صدر سید اظہر علی شاہ کرینگے ،خیبرپختونخوا سائیکلنگ ایسوسی ایشن کے صدر نثار احمد کے مطابق صوبائی سائیکلنگ ایسوسی ایشن کے زیراہتمام ہرسال کی طرح اس سال بھی یوم دفاع پاکستان سائیکل ریس کا انعقاد کیاجارہا ہے ریس چمکنی بی آر ٹی سٹیشن پشاور سے شروع ہوگی اور نوشہرہ سپورٹس کمپلیکس پر اختتام پذیر ہوگی ،

انہوں نے کہا کہ ریس میں پشاورسمیت مختلف اضلاع کے سائیکلسٹ شرکت کررہے جو کہ 38 کلومیٹر روڈ ریس پر محیط ہوگی ریس چھ ستمبر کو صبح 8 بجے بی آر ٹی سٹیشن سے شروع ہوگی باضابطہ افتتاح پاکستان سائیکلنگ فیڈریشن کے صدر سید اظہر علی شاہ کرینگے جبکہ اختتامی تقریب کے مہمان خصوصی ڈائریکٹرجنرل سپورٹس خیبرپختونخوا اسفندیارخان خٹک ہونگے ۔ فاتح کھلاڑیوں میں ٹرافیاں ، میڈلز ، سرٹیفیکیٹس اور کیش ایوارڈز تقسیم کئے جائینگے ۔