پاکستان کبڈی تین روزہ لیول ون ٹیکنیکل کورس لاہور میں شروع ہوگیا

پشاور(سپورٹس رپورٹر)پاکستان کبڈی فیڈریشن کے سیکرٹری زیر اہتمام پاکستان کبڈی تین روزہ لیول ون ٹیکنیکل کورس لاہور میں شروع ہوگیا،پنجاب سپورٹس کمپلیکس میں منعقدہ اس کورس میں پاکستان واپڈا،آرمی،ریلوے،پولیس،ایچ ای سی،ریلوے،نیوی،سندھ،پنجاب،بلوچستان،خیبر پختونخوا،گلگت بلتستان،اسلام آبادسے45 مردو خواتین ریفریز شریک ہیں۔کورس کے افتتاح کے موقع پر پاکستان کبڈی ریفر یز اایسوسی ایشن کے صدر اختر عباس خواجہ اورمہمان تھے جبکہ پاکستان کبڈی فیڈریشن کے سیکرٹری رانا محمد سرورجو کہ ایشین کبڈی فڈریشن کے صدر بھی ہیں بھی موجودتھے۔

پاکستان کبڈی ٹیکنیکل کورس8اگست تک جاری رہنے والے اس کورس میں ریفریز ایسوسی ایشن کے سیکرٹری بادشاہ گل سمیت دیگر حکام کورس کے شرکاء کولیکچر دے رہے ہیں۔کورس کے اختتامی تقریب کے موقع پرپنجاب سپورٹس بورڈ کے ڈائریکٹر جنرل عدنان ارشداولک مہمان خصوصی ہونگے،جوٹیکنیکل کورس کے شرکاء میں سرٹیفکیٹس تقسیم کرینگے۔