تین چھکے کھانے پرشاہد آفریدی شاہین سے ناخوش

پاکستان کرکٹ ٹیم کے سابق کپتان اور اسٹار آل راؤنڈر شاہد خان آفریدی فاسٹ بولر شاہین آفریدی کی پرفارمنس سے ناخوش ہیں۔اپنے بیان میں بوم بوم آفریدی نے کہا کہ اگر حسن علی سے کیچ چھوٹ گیا تو اس کا مطلب یہ نہیں کہ آپ بالکل ہمت ہار جائیں اور تین گیندوں پر تین چھکے کھا جائیں۔

خیال رہے کہ گزشتہ روز دبئی میں ہونے والے ورلڈ ٹی ٹوئنٹی کے سیمی فائنل میں آسٹریلیا کو جیت کیلئے 20 رنز درکار تھے، شاہین آفریدی نے بولنگ کی تو ویڈ نے اونچا شاٹ کھیلا اور گیند باؤنڈری پر موجود حسن علی کے پاس گئی لیکن انہوں نے کیچ چھوڑ دیا اور دو رنز آسٹریلیا کو ملے۔

اگلی تین گیندوں پر میتھیو ویڈ نے تین چھکے لگاکر میچ ختم کردیا اور پاکستان ورلڈ کپ سے باہر ہوگیا۔