قومی ٹی ٹوئنٹی سکواڈ بنگلہ دیش پہنچ گیا،تمام ارکان کی کورونا ٹیسٹ رپورٹ منفی

پاکستان ٹی ٹوئنٹی سکواڈ دبئی سے بنگلہ دیش پہنچ گیا ہے، ڈھاکہ پہنچنے کے بعد قومی ٹی ٹونٹی اسکواڈ میں شامل تمام ارکان کی کوویڈ 19 ٹیسٹنگ کے رزلٹ منفی ہیں،آج صبح ڈھاکہ پہنچنے پر ان تمام ارکان کی آرائیول کوویڈ 19 ٹیسٹنگ کی گئی تھی

ٹیم مینجمنٹ نے کل بروز اتوار کو کوئی کرکٹ سرگرمی نہیں رکھی،قومی اسکواڈ کل ٹیم ہوٹل میں جم اور پول سیشن کرے گا

اسکواڈ 15 نومبر سے نیٹ سیشنز کا آغاز کرے گا پاکستان اور بنگلہ دیش کے مابین ٹی ٹونٹی سیریز کا پہلا میچ 19 نومبر کو ڈھاکہ میں کھیلا جائے گا،دوسرا ٹی ٹوئنٹی میچ بیس جبکہ تیسرا اور آخری ٹی ٹوئنٹی بائیس نومبر کو کھیلا جائیگا

پاکستان کے دورہ بنگلہ دیش میں تین ٹی ٹونٹی انٹرنیشنل اور دو ٹیسٹ میچز شامل ہیں، ٹیسٹ سیریز کیلئے قومی کرکٹ ٹیم کا اعلان بعد میں کیا جائیگا