ویمن کرکٹر کائنات امتیاز شادی کے بندھن میں بندھ گئیں

پاکستان ویمن کرکٹ ٹیم کی کھلاڑی کائنات امتیاز شادی کے بندھن میں بندھ گئیں۔کائنات امتیاز کے نکاح کی تقریب کراچی میں ہوئی جبکہ ان کی رخصتی 30 مارچ کو ہوگی۔قومی ویمن کرکٹر نے اپنی سوشل میڈیا اکائونٹ سے بھی اپنے نکاح کی تصدیق کی اور ساتھ ہی تصاویر شیئر کیں۔کائنات امتیاز نے تصاویر کے ساتھ کیپشن میں لکھا کہ ماشا اللہ، مسٹر اور مسز وقار الدین سے ملیے انہوں نے ساتھ ہی نظر بد سے بچنے کا ایموجی بھی لگایا۔انہوں نے ٹوئٹر پر اپنی یہ پوسٹ الحمد للہ، نکاح یافتہ، اور واکا ویڈنگ کے ہیش ٹیگ کے ساتھ شیئر کی۔کائنات امتیاز نے اپنی پوسٹ میں ساتھ ہی مداحوں کو درخواست کی کہ پلیز ماشا اللہ کہیں۔