انشا اللہ میں کرکٹ میں جلد واپس آئوں گا،محمد حسنین

نوجوان فاسٹ بولر محمد حسنین کا کہنا ہے کہ وہ جلد کرکٹ میں واپس آئیں گے۔سماجی رابطے کی سائٹ ٹوئٹر پر محمد حسنین نے اپنی بولنگ کی ویڈیو اپ لوڈ کی ہے اور ساتھ لکھا ہے کہ میں انشا اللہ میں کرکٹ میں جلد واپس آئوں گا۔نیشنل ہائی پرفارمنس سینٹر کے کوچز نے ان کے بولنگ ایکشن پر کام کرتے ہو ئے اسے ری ماڈل کیا اور اب تک جو ٹیسٹ ا نفرادی طور پر مقامی لیب سے کرائے گئے ہیں ان کی حوصلہ افزا رپورٹ آئی ہے۔

InshAllah I’ll be back soon in cricket👊 pic.twitter.com/hO4WXLNHIf

— Mohammad Hasnain (@MHasnainPak) May 17, 2022

پاکستان کرکٹ بورڈ کو محمد حسنین کے بولنگ ایکشن کے ٹیسٹ کی رپورٹ کا انتظار ہے ، جلد رپورٹ موصول ہونے پر انٹرنیشنل کرکٹ کونسل کو باضابطہ ٹیسٹ کرانے کی درخواست کی جائے گی۔خیال رہے کہ محمد حسنین کا رواں برس بگ بیش لیگ میں بولنگ ایکشن رپورٹ ہوا تھا، جس کے بعد بائیو مکینک لیب میں کرائے گئے ٹیسٹ میں ان کا بولنگ ایکشن غیر قانونی قرار پایا تھا اور بولنگ ایکشن درست ہونے تک ان پر پابندی عائد کی گئی ہے۔