SportsLink PK Latest Sports News in Urdu
پی ٹی وی پر فیفا ورلڈ کپ 2022 براہ راست نشر کرنے میں ناکامی کی رپورٹ قومی اسمبلی میں پیش کر دی گئی، جس میں کہا گیا ہے کہ پی ٹی وی فیفا ورلڈ کپ دکھانے کے لیے کم منافع کما کر نشریاتی حقوق حاصل کر سکتا تھا۔
تفصیلات کے مطابق وزارت اطلاعات و نشریات کی جانب سے قومی اسمبلی میں پیش کی گئی رپورٹ میں کہا گیا ہے کہ پی ٹی وی فیفا ورلڈ کپ 2022 کے میچ براہ راست نشر کرنے میں ناکام رہا۔
رپورٹ کے مطابق اس معاملے کی مزید انکوائری کے لیے تین رکنی کمیٹی قائم کی گئی ہے، کمیٹی کی آرا اور سفارشات کی روشنی میں ضروری کارروائی کی جائے گی۔
رپورٹ میں کہا گیا کہ ٹیلی کاسٹ حقوق کے حصول میں ناکامی پر متعلقہ حکام کے خلاف کارروائی کی گئی، سرکاری چینل کے ناطے فیفا ورلڈ کپ پی ٹی وی پر نشر کرنا اس کی ذمہ داری تھی، پاکستان کی اکثریتی آبادی ورلڈ کپ دیکھنے سے محروم رہی۔
