ورلڈ کپ کوالیفائر ; زمبابوے کو 31 رنز سے شکست ‘ ورلڈ کپ کی دوڑ سے باہر

ورلڈ کپ کوالیفائر کے اہم میچ میں اسکاٹ لینڈ نے زمبابوے کو 31 رنز سے شکست دے کر ورلڈ کپ کی دوڑ سے باہر کردیا۔

ہرارے میں کھیلے گئے میچ میں اسکاٹ لینڈ نے پہلے بیٹنگ کرتے ہوئے 8 وکٹوں کے نقصان پر 234 رنز بنائے، 235 رنز کے تعاقب میں زمبابوے کی ٹیم 41.1 اوورز میں 203 رنز پر ڈھیر ہوگئی۔

زمبابوین کھلاڑی ریان برل کی 83 رنز کی اننگز بھی ٹیم کو کامیابی نہ دلوا سکی، سکندر رضا 34 رنز بنا کر آؤٹ ہوئے، کپتان کریگ ایرون 2 رنز بنا کر پویلین لوٹ گئے، ویسلی نے 40 رنز بنائے۔