پاکستان سپورٹس جرنلسٹس فیڈریشن کا حمزہ خان کیلئے ایوارڈ کا اعلان.

پاکستان سپورٹس جرنلسٹس فیڈریشن نے پاکستان کو 37 سال بعد ورلڈ جونیئر چیمپئن شپ کا ٹائٹل جیتنے پر کھلاڑی حمزہ خان اورپاکستان سکواش فیڈریشن کو مبارکباد دی ہے۔

فیڈریشن کے صدر اقبال ہارپر سیکرٹری محمد بابر اور خزانچی عبدالقیوم سمیت ایگزیکٹو کمیٹی کے ممبران نے اپنے پیغام میں اس کامیابی کوپاکستان سکواش فیڈریشن کے صدر ائر چیف مارشل ظہیر احمد بابر کی قائدانہ صلاحیتوں کھلاڑیوں اور کوچز کی شبانہ روز محنت کا نتیجہ قرار دیا ہے۔

پی ایس جے ایف نے اس تاریخی کامیابی پر حمزہ خان کو جلد ایوارڈ دینے کا اعلان کیا

اور وفاقی و صوبائی حکومتوں کے علاوہ نیشنل و ملٹی نیشنل اداروں سے اپیل کی ہے کہ وہ پاکستان سکواش کو دوبارہ بام عروج پر پہنچانے کیلئے حمزہ خان کی حوصلہ افزائی کرتے ہوئے جلد از جلد انعامات کا اعلان کریں۔