این۔جے۔وی اسکول میں چھہتر واں یوم آزادی باسکٹ بال ٹورنامنٹ کا انعقاد کیا گیا۔

این۔جے۔وی اسکول میں چھہتر واں 76یوم آزادی باسکٹ بال ٹورنامنٹ ۲۰۲۳ کا انعقاد کیا گیا۔

کراچی (اسپورٹس رپورٹر ) کراچی میں ۱۴ اگست ۲۰۲۳ پر یوم ِ آزادی باسکٹ بال ٹورنامنٹ این جے وی اسکول میں منعقد ہوا، جس کا اہتمام فرید علی ڈسٹرکٹ اسپورٹس آفیسر ساؤتھ نے محکمہ سندھ کے اسپورٹس اینڈ یوتھ افیئر ڈپارٹمنٹ کے ساتھ مل کر انتہائی ماہرانہ انداز میں کیا۔

یہ ایونٹ شاندار کامیابی سے ہمکنار ہوا، کھلاڑیوں نے میدان پر اپنی صلاحیتوں اور عزم کا مظاہرہ کرتے ہوئے، کھیلوں کے حقیقی جوہر کو اجاگر کیا۔
ٹورنامنٹ میں کراچی بھر سے باصلاحیت ٹیموں نے شرکت کی۔ اس موقع پر ڈپٹی کمشنر ساؤتھ منظور احمد اور اسسٹنٹ کمشنر گارڈن محمد حسین نے بطور مہمان خصوصی شرکت کی ۔

اختتامی تقریب میں کراچی کے تمام ڈسٹرکٹ اسپورٹس آفیسرز کی موجودگی نے کھیلوں کی اہمیت اور مشترکہ جوش و جذبے کا احساس دلایا۔

بوائز کیٹگری میں مہارت کا شاندار مظاہرہ دیکھنے میں آیااور اقرا وائٹ فاتح قرار پائی ۔گرلزکیٹگری میں بھی پر جوش مقابلہ سب کی توجہ کا مرکز رہا اور اقرا وائٹ مقابلے کی دوڑ میں کامیابی سمیٹنے میں کامیاب رہی

اور فاتح بن کر ابھری۔ فرید علی اور ایونٹ کوآرڈینیٹر عظیم الشان کے زیرِ اہتمام اس ٹورنامنٹ نے کھلاڑیوں کے ناصرف حوصلے بلند کئے بلکہ ڈپٹی کمشنر ساؤتھ منظور احمد اور اسسٹنٹ کمشنر گارڈن محمد حسین نے کھلاڑیوں کی مہارت کو خوب سراہا اورشاندار کارکر دگی کے مظاہرے پر کھلاڑیوں میں نقد انعامات اور ٹرافیاں تقسیم کیں۔