پاکستان چیمپئنز لیگ : لاہور سکندرز کی جیت کا تسلسل برقرار، پشاور لائنزکو 10وکٹوں سے شکست

پاکستان چیمپئنز لیگ : لاہور سکندرز کی جیت کا تسلسل برقرار، پشاور لائنزکو 10وکٹوں سے شکست

اسلام آباد اسٹائلینز کی ملتان کنگزکیخلاف 8 وکٹوں سے کامیابی ،کل دو میچز کھیلے جائیں گے

فیصل آباد: 14 مئی 2024

دفاعی چیمپئن لاہور سکندرز نے پاکستان چیمپئنز لیگ میں جیت کا تسلسل برقرار رکھتے ہوئے پشاور لائنز کو ہراکر10وکٹوں سے ہرایا جبکہ اسلام آباد اسٹائلینز نےملتان کنگزکیخلاف 8 وکٹوں سے کامیابی حاصل کرلی۔

فیصل آباد کرکٹ اسٹیڈیم میں کھیلے گئےپاکستان وہیل چیئرچیمپئنز لیگ کے تیسرے میچ میں پشاور لائنز نے پہلے کھیلتے ہوئے20اوورز میں 9کھلاڑیوں کے نقصان پر 137رنز بنائے۔

مثل خان 42اوربلال رانی37 رنز بناسکے جبکہ محمد فیض اور محمد احسن نے دو،دو کھلاڑیوں کو آؤٹ کیا اور رفاقت حسین نے ایک وکٹ لی۔

محمد فیض کی شاندار سنچری کی بدولت دفاعی چیمپئن لاہور سکندرز نے 138رنز کا ہدف بغیر کسی نقصان کے پوراکیا اورپشاور کو 10وکٹوں سےہرا کر پاکستان چیمپئنز لیگ میں مسلسل دوسری فتح اپنے کرلی۔

محمد فیض نے 47 گیندوں کی مدد سے 115رنز کی اننگز کھیلی۔ان کی اننگز میں 28 چوکےشامل ہیں۔ محمد فیض کو آل راؤنڈر پرفارمنس پر میچ کا بہترین کھلاڑی قرار دیا گیا۔

چوتھے میچ میں ملتان کنگز نے اسلام آباد کو جیت کیلئے219رنز کا ہد ف دیا، محمد لطیف اورشبیہ حیدرنے نصف سنچری بنائیں جبکہ ساجد علی نے دووکٹیں لیں۔

فاتح اسلام آباد اسٹائلینز نے مطلوبہ ہد ف 18.1میں دو کھلاڑیوں کے نقصان پر پورا کیا اور ملتان کو 8وکٹوں سے شکست دیدی۔ ساجد علی نے 56گیندوں پر 102رنز بنائے۔کپتان محمد ذیشان نے38اور مبین 30رنز بنائے۔

بدھ کو پاکستان چیمپئنز لیگ کے دو میچز کھیلے جائیں گے جس میں پشاور لائنزکا مقابلہ کراچی آرچرز اوراسلام آباد اسٹائلینز کا مقابلہ کوئٹہ اسٹرائیکرز سے ہوگا۔