پاکستانی والی بال ٹیم کی مسلسل دوسری جیت ؛ سیریز میں 2-0 کی برتری

پاکستان نے آسٹریلیا کو شکست دے کر سیریز میں 2-0 کی ناقابل شکست برتری حاصل کر لی۔

پاکستان والی بال ٹیم نے لیاقت جمنازیم، پاکستان سپورٹس کمپلیکس، اسلام آباد میں کھیلے گئے سیریز کے دوسرے میچ میں آسٹریلیا کو شکست دے کر سیریز میں 2-0 کی ناقابل شکست برتری حاصل کر لی۔

آج ہونے والے دوسرے میچ کےپہلے سیٹ میں پاکستان نے آسٹریلیا کو 26-24 سے شکست دی۔ وہ 25-19 سے جیت کر دوسرے سیٹ پر حاوی رہے۔فائنل سیٹ میں سخت مقابلہ ہوا لیکن پاکستان نے اسے 25-23 سے جیت لیا۔

آسٹریلیا کے 35ویں نمبر کے مقابلے میں دنیا میں 49ویں نمبر پر ہونے کے باوجود، پاکستان نے اعلیٰ کارکردگی اور حکمت عملی کا مظاہرہ کیا۔

واضح رہے کہ سیریز کا انعقاد پاکستان والی بال فیڈریشن (PVF) نے آسٹریلین والی بال فیڈریشن کی درخواست پر کیا ہے۔فائنل میچ کل شام 6.30 بجے کھیلا جائے گا

اور پہلے دو میچز کی طرح شائقین اور سپورٹرز کے لیے داخلہ مفت ہے۔ دونوں ٹیمیں اگلے ماہ بحرین میں ہونے والے چیلنج کپ کی تیاری کر رہی ہیں۔